मनसैनिकांना 'दंडुका मोर्चा'त 'दडुंका-बंदी' घालून पोलीस दंडुका घेऊन बंदोबस्तावर येणार

औरंगाबाद : महाराष्ट्र नवनिर्माण सेनेतर्फे शेतकऱ्यांच्या विविध समस्या अधोरेखित करण्यासाठी आणि दुष्काळासारख्या गंभीर मुद्यावर झोपलेल्या भाजप-शिवसेना सरकारला जाग आणण्यासाठी औरंगाबाद येथे भव्य दंडुका मोर्चाचे आज आयोजन करण्यात आले आहे. दरम्यान, मोर्चासाठी येताना स्वत: जवळ कोणतेही शस्त्र बाळगू नये याची दक्षता घ्यावी आणि पोलिसांनी दिलेल्या परवानगीमधील सर्व अटींचे तंतोतंत पालन करावे. तसेच कायद्याचा आदर राखावा, असं आवाहन पोलिसांनी आंदोलकांना केलं आहे.

वास्तविक देशभर विश्व हिंदू परिषद, आरएसएस आणि बजरंगदल अशा अनेक हिंदुत्ववादी संघटना मोर्चे आयोजित करताना धारधार हत्यार आणि बंदुका खुलेआम नाचवताना दिसतात. वास्तविक अशा आंदोलनावर कधीही कोणी पोलिसांकडे तक्रार करत नसताना महाराष्ट्र नवनिर्माण सेनेने औरंगाबाद येथे शेतकऱ्यांच्या विविध समस्या मांडण्यासाठी आणि दुष्काळासारख्या गंभीर प्रश्नावर भाजप-शिवसेना सरकारचे लक्ष केंद्रित करण्यासाठी आयोजित केलेल्या या “दंडुका मोर्चात” दंडुक्यावरच आक्षेप घेण्यास सुरुवात केल्याने, पोलिसांनी त्यासाठी मनसेला एक नियमावली आखून दिली आहे.

विशेष म्हणजे जर दंडुकाच वापरायचा नाही तर झेंडा कशाला बांधायचा. त्यात दुसरी गोष्ट म्हणजे पोलीस यंत्रणांना तसा अधिकृत अधिकार असला तरी त्यांना सुद्धा दंडुका घेऊनच बंदोबस्ताचे नियोजन करावे लागणार आहे. एकूणच शेतकऱ्यांच्या महत्वाच्या विषयाशी संबंधित आंदोलन असताना काही प्रसार माध्यमच त्यात आडकाठी का आणत आहेत? असा प्रश्न महाराष्ट्र सैनिक आणि आंदोलक शेतकरी विचारात आहेत. परंतु, शेतकऱ्यांसाठी हे आंदोलन होणारच असा पवित्रा महाराष्ट्र नवनिर्माण सेनेने घेतला आहे.