मुंबई : एनसीपीचे आमदार जितेंद्र आव्हाड यांनी पुन्हा ‘मातोश्री’वारी केली असून त्यांनी पुन्हा शिवसेना पक्षप्रमुख उद्धव ठाकरे यांची भेट घेऊन जवळपास तासभर चर्चा केल्याचे वृत्त आहे. दरम्यान, जितेंद्र आव्हाड त्यांच्या पुस्तक प्रकाशन सोहळ्याचे आमंत्रण देण्यासाठी मातोश्रीवर गेल्याचे म्हटले जात असले तरी तासभर चर्चा झाल्याने इतर राजकीय अंदाज सुद्धा बांधले जात आहेत.

या पुस्तक प्रकाशन सोहळ्याला राष्ट्रवादीचे अध्यक्ष शरद पवार आणि उद्धव ठाकरे सुद्धा उपस्थित राहणार असल्याचे वृत्त आहे. त्याचबरोबर या कार्यक्रमाला काँग्रेसचे ज्येष्ठ नेते आणि माजी मुख्यमंत्री सुशीलकुमार शिंदे सुद्धा उपस्थित असतील असे वृत्त आहे. निमंत्रणाच्या भेटीच्या निमित्ताने तासभर चर्चा झाल्याने राजकीय विश्लेषक वेगळेच तर्कवितर्क लावत आहेत.

NCP mla Jitendra Awhad meet shivsena chief Udhav Thackeray at matoshri