मुंबई : काल ‘ठाकरे’ सिनेमाच्या स्क्रिनिंगच्या वेळी चित्रपटाचे दिग्दर्शक अभिजीत पानसे आणि निर्माता संजय राऊत यांच्यामध्ये काही तरी वाद झाल्याचे वृत्त सुरुवातीला पसरले होते. प्रथम सदर विषयाला अनुसरून प्रसार माध्यमांशी संवाद साधताना दोन्ही बाजूने काहीतरी सारवासारव करण्यात येत होती. परंतु, सध्या सुरु असलेल्या ट्विटर वॉर’वरून तरी ते वाद सत्य असल्याचं समोर येऊ लागलं आहे.

कारण या प्रकरणावरून आता शिवसेना खासदार संजय राऊत यांनी अभिजीत पानसेंना ट्विट करून टोला लगावला आहे. दरम्यान या ट्विटमध्ये बोलताना त्यांनी ‘लहान मेंदूत अहंकाराचा कचरा साचला की, संयम आणि कृतज्ञता शब्दांचे मोल नष्ट होते. ठाकरे चित्रपटाचा हा संदेश आहे’ असे टिवट संजय राऊत यांनी केला आहे.

परंतु, संजय राऊतांना ‘ठाकरे’ सिनेमा साकारण्यासाठी जो मेंदू निवडला तोच मेंदू आता सिनेमा पूर्ण झाल्यावर लहान का वाटू लागला आहे, असे प्रश्न प्रसार माध्यमांवर विचारले जाऊ लागले आहेत. दरम्यान, प्रोमोशन सुरु झाल्यापासूनच एकूण कार्यक्रम बघितल्यास संजय राऊत यांनी क्रेडिट घेण्यासाठी अभिजित पानसे यांना लांबच ठेवले होते. त्यावरून हा सिनेमा निवडणुकीच्या निमित्तानेच बनविण्यात आला नव्हता ना? अशी शंका पुन्हा उपस्थित करण्यात येते आहे.

काय ट्विट केले आहे संजय राऊत यांनी?

त्यावर नेटकऱ्यांच्या राऊतांना खोचक प्रतिक्रिया;

sanjau raut twit after controversy on thackeray movie and netizens fire on raut