मुंबई : राज्याचे शिक्षणमंत्री विनोद तावडे यांनी मनसे अध्यक्ष राज ठाकरेंची त्यांच्या कृष्णकुंज या निवासस्थानी भेट घेतली. दोघांमध्ये जवळपास तासभर चर्चा झाल्याचे समजते. चर्चेचा संपूर्ण तपशील अधिकृतपणे समजू शकलेला नसला तरी ठाण्यामध्ये होणाऱ्या नाट्यसंमेलनाच आमंत्रण तसेच इतर राजकीय चर्चा झाल्याचे समजते.
ठाणे शहरात भरणाऱ्या नाट्यसंमेलनाचे आमंत्रण देण्यासाठी विनोद तावडे राज ठाकरेंच्या भेटीला आल्याचे प्रमुख कारण समजते. परंतु इतर राजकीय चर्चा सुद्धा झाली असावी असा तर्क जोडला जात आहे.
कोकणातील शिक्षक पदवीधर मतदारसंघाच्या निवडणुकीसाठी सध्या भाजप आणि शिवसेनेतच एकमेकांवर कुरघोडीचं राजकारण सुरु असल्याने ही भेट महत्वाची समजली जाते.
