बंगळूरू : मोदींच्या मंत्रिमंडळातील प्रमुख वरिष्ठ मंत्र्यांपैकी केंद्रीय रासायनिक आणि संसदीय कामकाज मंत्री अनंतकुमार यांचे काल रविवारी रात्री उशिरा दीड वाजता कर्करोगाच्या आजाराने निधन झाले. ते ५९ वर्षांचे होते. बेंगळूरू येथील आपल्या निवासस्थानी त्यांणि अखेरचा श्वास घेतला. काही दिवसांपासून बंगळुरुतील एका खासगी रुग्णालयात त्यांच्यावर नियमित उपचार सुरु होते. नुकतेच ते लंडन दौऱ्यावरुन घरी परतले होते. कर्नाटकातील दक्षिण बेंगळूरू मतदारसंघातून तब्बल ६ वेळा निवडून येण्याचा त्यांचा विक्रम आहे. दरम्यान, बंगळूरूच्या नॅशनल कॉलेज येथे त्यांचे पार्थिव आज अंत्यदर्शनासाठी ठेवण्यात येणार आहे. त्यांच्या निधनावर पंतप्रधानांनी तीव्र दुःख व्यक्त केले आहे.

union-minister-ananth-kumar-passed-away-because-of-cancer