28 September 2020 8:25 PM
अँप डाउनलोड

कोरेगाव-भीमा: तपासासाठी एनआयएचे पथक पुण्यात; पुणे पोलिसांचं सहकार्य नाही

Bhima Koregaon, NIA

पुणे: कोरेगाव भीमा हिंसाचार प्रकरणाचा तपास राष्ट्रीय तपास संस्था अर्थात NIA कडे सोपवण्यात आला आहे. NIA ची टीम पुणे पोलीस मुख्यालयात दाखल झाली आहे. राष्ट्रवादी काँग्रेसचे अध्यक्ष शरद पवार यांनी या प्रकरणी विशेष चौकशी पथकामार्फत (SIT) या प्रकरणाची चौकशी करण्यात यावी अशी मागणी केली होती. ज्यानंतर केंद्र सरकारने हे पाऊल उचलले आहे. मात्र २५ जानेवारीला हे प्रकरण केंद्रीय गृहमंत्रलायने एनआयएकडे सोपवले.

BhagyaVivah Marathi Matrimonial

दरम्यान, केंद्रीय गृह मंत्रालयाने एल्गार परिषद गुन्ह्याचा तपास राष्ट्रीय तपास यंत्रणेकडे (एनआयए) देण्याचा निर्णय घेतला असला, तरी हा तपास ‘एनआयए’कडे देण्यास राज्य सरकार अनुत्सुक असल्याचे समजते. हा तपास ‘एनआयए’कडे देण्याबाबत राज्य सरकारकडून कायदेशीर सल्ला घेण्यात येत असून त्यानंतरच हा तपास ‘एनआयए’ करणार, की नाही, याचे भवितव्य ठरणार आहे. दरम्यान, ‘एनआयए’च्या अधीक्षक दर्जाच्या अधिकाऱ्याने सोमवारी पुणे पोलिस आयुक्तालयात वरिष्ठ अधिकाऱ्यांशी चर्चा करून या गुन्ह्याची व्याप्ती समजून घेतली आहे.

एनआयएचे पोलीस अधीक्षक विक्रम खलाटे यांच्यासह ८ जणांचे पथक तीन तास आयुक्तालयात होते. त्यांनी एल्गार परिषदेच्या तपासाप्रकरणी पोलीस उपायुक्त सुहास बावचे, सहायक पोलीस आयुक्त व शिवाजी पवार यांच्याकडून माहिती घेतली. राज्य सरकारने हा तपास एनआयएकडे सोपविल्याचे वा एनआयएला कागदपत्रे देण्याचे पत्र दिले नसल्याने आम्ही गृहविभागाकडून माहिती घेऊनच कागदपत्रे देऊ , असे पोलिसांनी त्यांना सांगितले.

 

Web Title:  Bhima Koregaon Riot case NIA Team in Pune Police head Quarters.

महत्वाची सूचना: कोरोना आपत्तीत सतर्क राहणं कधीही चांगलं आणि त्यासाठीच आपत्कालीन परिस्थितीत सर्व माहिती देणारं अँप सोबत असणं देखील गरजेचं आहे. म्हणून आत्ताच डाउनलोड करा... महाराष्ट्रनामा कोरोना डॅशबोर्ड.

Download App Now
Download Corona Dashboard App

हॅशटॅग्स

संबंधित बातम्या

राहुन गेलेल्या बातम्या

x