ना खाऊंगा ना खाणे दूंगा! लाचखोर भाजप नगरसेविकेला कोर्टाकडून ५ वर्षांचा कारावास

मीरारोड: मीरा भाईंदर महापालिकेतील भारतीय जनता पक्षाची लाचखोर नगरसेविका वर्षा गिरीधर भानुशाली हिला लाच प्रकरणी ठाणे कोर्टाने ५ वर्ष कैद आणि ५ लाख दंडाची शिक्षा ठोठावली आहे. भाजप नगरसेविका वर्षा भानुशाली लाचप्रकारणी ५ वर्षांचा कारावास आणि ५ लाख दंड अशी शिक्षा असून दंड न भरल्यास आणखी ६ महिन्याचा कारावास भोगावा लागेल.

भाईंदर पूर्वेकडील रेल्वे फाटकाजवळील विनोकेम्प इंडस्ट्रियल एस्टेटमध्ये राधा हर्षल पटेल यांचे १९७८ पासून पाच गाळे आहेत. त्यात बफिंगचे काम चालते. गाळा दुरु स्तीसाठी राधा पटेल यांनी २३ ऑगस्ट २०१३ ला महापालिकेत अर्ज केला होता. त्यानुसार महिन्यापूर्वी त्यांना परवानगी देण्यात आली होती.

परंतु ही परवानगी दुरु स्तीसाठी आहे, उंची वाढविण्यासाठी नाही,असे सांगून भानुशाली यांनी त्यांचे काम करण्यासाठी पैशांची मागणी केली होती. त्यावरून राधा पटेल यांनी लाच लुचपत प्रतिबंधक विभागाकडे तक्रार केली. त्याआधारे पोलीस निरीक्षक अशोक साळवे यांनी भानुशाली यांना अटक केली होती.

Web Title: Mira Bhayandar Municipal Corporation BJP Corporator Varsha Bhanushali sentenced Five Years Imprisonment from Court