नालासोपारा : नालासोपाऱ्यात एक धक्कादायक घटना घडली आहे, पत्ता विचारण्याचे निम्मित करून छेडछाड करणाऱ्या नराधमाच्या तावडीतून स्वतःची सुटका करण्यासाठी त्या मुलीने थेट टेरेसवरूनच खाली उडी मारली.
ती मुलगी अल्पवयीन असून तीच वय १२ वर्ष आहे. नराधमाच्या तावडीतून स्वतःची सुटका करण्यासाठी त्या अल्पवयीन मुलीने थेट टेरेसवरूनच खाली उडी मारल्याने ती गंभीर जखमी झाली असून तिच्या कंबरेचे हाड फ्रॅक्चर झाल्याचे समजते. उपचारांसाठी तिला ताबडतोब मुंबईतील नायर रुग्नालयात दाखल करण्यात आले आहे.
या धक्कादायक घटनेमुळे संपूर्ण नालासोपारा परिसरात भीतीचं वातावरण आहे. मुळात ३ एप्रिल रोजी घडलेली घटना कॅमेरात कैद झाली आहे. तो नराधम ३५ वर्षीय असून त्याने मुलीला पत्ता विचारण्याच्या बहाण्याने जवळ गेला आणि त्या मुलीने पत्ता सांगितल्यावर तो तिला जबरदस्तीने टेरेसवर घेऊन जायला लागला आणि तिच्या सोबत अश्लील चाळे करू लागला. त्यामुळेच छेडछाड करणाऱ्या नराधमाच्या तावडीतून स्वतःची सुटका करण्यासाठी त्या अल्पवयीन मुलीने थेट टेरेसवरूनच खाली उडी मारल्याने ती गंभीर जखमी झाली आहे. तो नराधम पसार झाला असून पोलीस त्याचा शोध घेत आहेत.
