शेकडो गुन्हे दाखल करा | पण बुलंद आवाज रयतेच्या न्याय हक्कांसाठी घुमणारच - मनसे

नवी मुंबई, ०६ फेब्रुवारी: नवी मुंबईतील वाशी टोलनाका तोडफोड प्रकरणी मनसे अध्यक्ष राज ठाकरे यांच्याविरोधात बेलापूर न्यायालयाने वॉरंट जारी केलं आहे. त्यामुळे राज ठाकरे आज (शनिवार) वाशी न्यायालयात हजर राहणार आहेत. विशेष म्हणजे, राज ठाकरेंच्या स्वागतासाठी मनसैनिकांनी टोलनाक्यावरच पोस्टरबाजी केली आहे.

26 जानेवारी 2014 रोजी वाशीमध्ये राज ठाकरे यांनी प्रक्षोभक भाषण केल्याचा ठपका ठेवण्यात आला होता. राज ठाकरे यांच्या या भाषणानंतर मनसैनिकांनी वाशी टोलनाक्याची तोडफोड केली होती. या प्रकरणी राज ठाकरे यांच्याविरोधात गुन्हा दाखल करण्यात आला होता. त्यावर वाशी न्यायालयात सुनावणी सुरु आहे.

दरम्यान “शेकडो गुन्हे दाखल केले गेले असले तरी ज्वलंत विचार आणि बुलंद आवाज रयतेच्या न्याय हक्कांसाठी घुमणारच..!”, असं ट्विट मनसेने केलं आहे. विशेष म्हणजे, ज्या वाशी टोल नाक्याची २०१४ साली तोडफोड करण्यात आली होती. त्याच टोल नाक्यावर यांच्या स्वागताचे मोठे बॅनर लावण्यात आले आहेत.

शेकडो गुन्हे दाखल केले गेले असले तरी ज्वलंत विचार आणि बुलंद आवाज रयतेच्या न्याय्य-हक्कांसाठी घुमणारच…!

सन्मा. राजसाहेब ठाकरे ह्यांना नवी मुंबई न्यायालयात हजर राहण्याचे निर्देश.

शनिवार, ६ फेब्रुवारी २०२१, सकाळी ११ वा.
स्थळ : बेलापूर न्यायालय, नवी मुंबई.#महाराष्ट्रधर्म pic.twitter.com/RorE6IiFwF

— MNS Adhikrut – मनसे अधिकृत (@mnsadhikrut) February 5, 2021

2018, 2020 मध्येही राज ठाकरे यांच्याविरोधात समन्स आणि वॉरंट काढण्यात आलं होतं. अनेक वेळा न्यायालयात हजर राहण्यास सांगूनही राज ठाकरे हजर झाले नव्हते. त्यामुळे आता बेलापूर न्यायालयाने राज ठाकरे यांच्याविरोधात वॉरंट जारी केले आहे. त्यामुळे सकाळी 11 वाजता राज ठाकरे नवी मुंबईत दाखल होणार असल्याची माहिती आहे. राज ठाकरेंच्या उपस्थितीकडे सर्वांचं लक्ष आहे.

News English Summary: Belapur court has issued a warrant against MNS president Raj Thackeray in the Vashi Tolnaka vandalism case in Navi Mumbai. Therefore, Raj Thackeray will appear in Vashi court today (Saturday). In particular, Mansainiks have put up posters on Tolnaka to welcome Raj Thackeray.

News English Title: Raj Thackeray will appear in Vashi court today after warrant issued against him news updates.