मोदींनी लोकांच्या घरात डोकावल्यावर त्यांना कळेल की लोकं त्यांना शिव्या घालतात

नाशिक : मोदी सरकारची आता तुमच्या कम्प्युटरमधील प्रत्यके हालचालींवर बारीक नजर असणार आहे. कारण, केंद्रीय गृह मंत्रालयाकडून देशातील तब्बल १० मोठ्या एजन्सींना तुमच्या खासगी कम्प्युटरवर थेट नजर ठेवण्यासाठी परवानगी बहाल करण्यात आली आहे. या सर्व संबंधित १० एजन्सी एकप्रकारे तुमच्यासाठी गुप्तहेराचेच काम करणार असून त्या केव्हाही तुमच्या खासगी कम्प्युटरमधील माहिती तपासू शकतात.

याच विषयाला अनुसरून जेव्हा नाशिक दौऱ्यावर असलेल्या राज ठाकरे यांना पत्रकारांनी प्रश्न विचारला असता ते म्हणाले की, ‘मोदींना लोकांच्या घरात घुसून पाहायचं असेल तर पाहावं. लोक त्यांना शिव्या घालतात हे तरी कळेल, आधी लोकांचे पैसे काढले आता घरात घुसून पाहणार का?, असा सवाल त्यांनी विचारला.

दरम्यान, जानेवारीत पुन्हा एकदा नाशिकचा दौरा करणार असल्याची माहिती राज ठाकरेंची पत्रकार परिषदेत दिली. त्यामुळे मनसे कार्यकर्त्यांचा उत्साह द्विगुणित झाल्याचे समजते. सध्या भाजपने नाशिकरांची विकासाच्या मुद्यावरून निराशा केली असून राज ठाकरेच बरे होते अशी नाशिककरांची भावना मनसे अध्यक्षांना या दौऱ्यात निर्दशनास आली असावी हे सुद्धा यामधून सूचित होतं आहे. कारण त्यांच्या दौऱ्यात त्यांना मिळणारा प्रतिसाद बरंच काही सांगून जातो आहे.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.