BSF मधील जेवणाच्या दर्जावर तक्रार करणाऱ्या जवानाच्या मुलाचा संशयास्पद मृत्यू

रेवाडी: सीमेवर तैनात असणाऱ्या भारतीय लष्कराच्या जवानांना मिळणाऱ्या जेवणाच्या दर्जावर अनेक प्रश्नचिन्ह उपस्थित करून त्याबद्दल थेट समाज ,माध्यमांवर मांडणारा तसेच वरिष्ठ अधिकाऱ्यांवर गंभीर आरोप केल्यानं चर्चेत आलेले BSF जवान तेज बहादूर यादव यांच्या मुलाचा संशयास्पद मृत्यू झाल्याचे वृत्त आहे. पोलिसांनी सदर प्रकरण आत्महत्येचं असल्याची माहिती प्रसिद्ध केली आहे. सध्या या प्रकरणात पोलिसांकडून सखोल चौकशीची मागणी करण्यात येते आहे.

सार्वजनिकरित्या तक्रार केल्यानंतर बीएसएफमधून निलंबित करण्यात आलेले जवान तेज बहादूर यादव यांचा २२ वर्षीय मुलगा रोहितचा मृतदेह काल रेवाडीतील शांती विहार कॉलनीमधील त्यांच्या राहत्या घरी आढळून आला. दरम्यान, दिल्ली विद्यापीठात शिक्षण घेणारा रोहित त्याच्या आईवडिलांच्या घरी आला होता. त्यात रोहितचे वडील तेज बहादूर कुंभमेळ्यासाठी प्रयागराज येथे गेले होते. रोहितची आई गुरुवारी संध्याकाळी कार्यालयातून घरी परतली. त्यावेळी रोहितची खोली बंद असल्याचे समजले. त्याच्या आईने अनेकदा प्रयत्न करुन सुद्धा रोहितने दरवाजा न उघडल्यानं त्यांनी या घटनेची माहिती थेट पोलिसांना दिली आणि हा अचानक घडलेला प्रकार समोर आला आहे.

Haryana: Rohit, 22-year-old son of Tej Bahadur Yadav (BSF constable who was dismissed from service after he had released a video last year on quality of food served to soldiers) found dead at his residence in Shanti Vihar, Rewari. pic.twitter.com/sVhY5ve6Ju

— ANI (@ANI) January 17, 2019