2024 लोकसभा निवडणुकीत भाजपचा पराभव करूनच शांत बसेन | प. बंगालमधील ED, CBI अधिकाऱ्यांच्या मागे चौकशी लावू - ममता बॅनर्जी

CM Mamata Banerjee | केंद्रीय अन्वेषण विभाग (सीबीआय) आणि सक्तवसुली संचालनालयाच्या (ईडी) राज्यातील वाढत्या छाप्यांच्या प्रकरणांवरून पश्चिम बंगालच्या मुख्यमंत्री ममता बॅनर्जी यांनी सोमवारी केंद्रावर जोरदार टीका केली. बंगालमध्ये तैनात असलेल्या केंद्र सरकारच्या अधिकाऱ्यांची चौकशी सुरू करण्याची धमकी त्यांनी दिली. “बंगालमध्ये सीबीआय, ईडी आणि इतर केंद्रीय अधिकाऱ्यांविरोधात अनेक खटले आहेत,” असे ममता बॅनर्जी यांनी आपल्या पक्षाच्या विद्यार्थी शाखेच्या मेळाव्याला संबोधित करताना सांगितले. त्यामुळे तुम्ही माझ्या अधिकाऱ्यांना दिल्लीत बोलावले तर मी तुमच्या अधिकाऱ्यांनाही इथे बोलावीन असा इशाराच ममता बॅनर्जींनी दिला.

मुख्यमंत्री म्हणाले की, राज्यात तैनात असलेल्या केंद्र सरकारच्या किमान आठ अधिकाऱ्यांवर गुन्हे दाखल आहेत. “त्यांनी (केंद्राने) सीबीआयच्या माध्यमातून आमच्या लोकांना अटक केली आहे. मी सर्व काही लक्षात घेत आहे. बिल्किस बानो प्रकरणात सहभागी असलेल्यांवर कारवाई करण्यासाठी टीएमसी कोलकात्यात 48 तासांचे धरणे आंदोलन करणार आहे, ज्यांना यापूर्वी गुजरात सरकारने जाहीर केले होते, असेही बॅनर्जी म्हणाले.

विरोधी पक्षांची सरकारे पाडण्यासाठी भाजप केंद्रीय संस्था, काळ्या पैशाचा वापर :
भाजपविरोधी पक्षाची सत्ता असलेली राज्य सरकारे पाडण्यासाठी केंद्रीय यंत्रणा आणि ब्लॅक मनीचा भाजप वापर करत असल्याचा दावा पश्चिम बंगालच्या मुख्यमंत्री ममता बॅनर्जी यांनी सोमवारी केला. बॅनर्जी यांनी पुढील लोकसभा निवडणुकीत भाजपचा पराभव करण्याची शपथ घेतली.

टीएमसी पक्षाचे ज्येष्ठ नेते फिरहाद हकीम आणि अभिषेक बॅनर्जी यांच्याविरोधात मोहीम सुरू केली जात आहे. ‘भाजप सगळ्यांना चोर म्हणत आहे. तृणमूलमध्ये आपण सर्व चोर आहोत आणि फक्त भाजप आणि त्यांचे नेते स्वच्छ आहेत अशा थाटात ते प्रचार करत आहेत. मी राजकारणात नसते तर मी त्यांची जीभ हादडली असती असं देखील त्या म्हणाल्या.

हकीम यांना केंद्रीय यंत्रणांनी नुकतेच समन्स बजावले होते. हकीम यांच्या अटकेबद्दल बोलताना बॅनर्जी ममता म्हणाल्या, “जर त्यांना अटक करण्यात आली, तर त्यांना त्रास देण्यासाठीच हे बनावट प्रकरण रचलं जाईल. ते टीएमसी नेत्यांकडे पैसे असल्याबद्दल बोलत आहेत. महाराष्ट्राच्या धर्तीवर निवडून आलेली सरकारे पाडण्यासाठी भाजपला हजारो कोटी रुपये कोठून मिळत आहेत? 2024 च्या लोकसभा निवडणुकीत भाजपला पराभव पत्करावा लागणार आहे.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: CM Mamata Banerjee warned Modi govt over misuse of ED CBI check details 29 August 2022.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.