Viral Video | केजरीवाल यांचा गुजरात पोलिसांसोबतच्या वादाचा व्हिडिओ व्हायरल, प्रोटोकॉलच्या उल्लेखामुळे भडकले

Viral Video | दिल्लीचे मुख्यमंत्री अरविंद केजरीवाल यांनी गुजरात पोलिसांवर टीका करतानाचा एक व्हिडिओ व्हायरल होत आहे. अहमदाबादमधील हा व्हिडिओ अहमदाबादमधील एका ऑटो चालकाच्या घरी केजरीवाल जेवायला जात असतानाचा आहे. व्हायरल व्हिडीओमध्ये केजरीवाल ऑटोमध्ये बसले आहेत, तर बाहेर उभा असलेला एक पोलीस कर्मचारी प्रोटोकॉलचं पालन करण्यास सांगत आहे. यावर दिल्लीचे मुख्यमंत्री संतापले आणि त्यांनी पोलीस कर्मचाऱ्याला सांगितलं की, मला तुमची सुरक्षा नको आहे, तुम्ही मला सुरक्षेच्या नावाखाली जनतेला भेटण्यापासून रोखत आहात. गुजरात पोलिसांना त्यांच्यासाठी सुरक्षेची सक्ती करायची आहे आणि त्यांचं आंदोलन थांबवायचं आहे, असंही केजरीवाल म्हणाले. पोलिसांची ही वृत्ती अटके समानच आहे.

‘आप’ने हा व्हिडिओ ट्विट केला 
तुम्ही मला अटक करू शकत नाही, असं म्हणत केजरीवाल या पोलीस कर्मचाऱ्यावर जोरदार टीका करताना दिसत आहेत. व्हिडिओमध्ये, पोलिस कर्मचाऱ्याला फक्त प्रोटोकॉलचे पालन करावे लागेल असे सांगताना ऐकू येत आहे. या व्हिडिओमध्ये कुठेही गुजरात पोलिस कर्मचारी केजरीवाल यांना लोकांना भेटण्यापासून किंवा ड्रायव्हरच्या घरी जाऊन रात्रीचे जेवण करण्यापासून रोखताना स्पष्टपणे दिसत नाहीत. खुद्द अरविंद केजरीवाल यांनीही रात्री दंतानी यांच्या घरी जेवतानाचे फोटो शेअर केले आहेत. आम आदमी पार्टीचे राष्ट्रीय संयोजक केजरीवाल दोन दिवसांच्या गुजरात दौऱ्यावर आहेत.

आम आदमी पार्टीच्या गुजरात युनिटने ट्विटरवर शेअर केलेल्या व्हिडिओमध्ये दिल्लीचे मुख्यमंत्री त्या पोलिसाला सांगत आहेत की, “मी तुम्हाला आधीच लिहिले आहे की, मला तुमची सुरक्षा नको आहे. तरीही, तुम्ही मला बळजबरीने सुरक्षा देऊ इच्छिता आणि या बहाण्याने मला जनतेला भेटू देत नाही आहात. हा एक मार्ग आहे का? बळजबरीने माझे रक्षण करून तुम्ही मला अटक करताय. तुम्ही हे करू शकत नाही.

ગુજરાતની જનતા એટલે જ દુઃખી છે કેમ કે ભાજપના નેતાઓ જનતાની વચ્ચે નથી જતા અને અમે જનતાની વચ્ચે જઈએ છે તો તમે રોકો છો – CM @ArvindKejriwal

પ્રોટોકોલ તો એક બહાનું છે… હકીકતમાં કેજરીવાલને સામાન્ય જનતાની વચ્ચે જતા રોકવાનું છે pic.twitter.com/CqFXbWGlf0

— AAP Gujarat । Mission2022 (@AAPGujarat) September 12, 2022

ऑटो चालकाने दिले रात्रीच्या जेवणाचे निमंत्रण
वास्तविक, सोमवारी केजरीवाल अहमदाबादमध्ये त्यांच्या पक्षाने आयोजित केलेल्या रिक्षा चालकांच्या सभेला गेले होते. तिथे उपस्थित असलेल्या विक्रमभाई दंतानी नावाच्या एका ऑटोचालकाने या बैठकीत उभे राहून अरविंद केजरीवाल यांना त्यांच्या घरी जेवायला बोलावलं. ‘आप’ने ट्विटरवर एक व्हिडिओ शेअर केला आहे. ज्यामध्ये ऑटोचालक दांतानी सभेत उभे राहून आपण केजरीवाल यांचे मोठे फॅन आहोत असे सांगत असून त्यांनी सोशल मीडियावर एक व्हिडिओ पाहिला आहे, ज्यात केजरीवाल पंजाबमधील एका ऑटो रिक्षा चालकाच्या घरी जेवणासाठी गेले होते. “तू माझ्या घरी जेवायला येशील का?” दंतानीने विचारले. त्यावर केजरीवाल यांनी जेवणाचं आमंत्रण स्वीकारलं. पंजाब आणि गुजरात या दोन्ही ठिकाणच्या रिक्षा चालकांकडून आपल्याला खूप प्रेम मिळालं आहे, असं केजरीवाल म्हणाले. गुजरातमधील एका ऑटोचालकाशी संवाद साधताना केजरीवाल म्हणाले की, ते रात्री 8 वाजता जेवायला येतील.

Delhi CM @ArvindKejriwal accepts a Dinner Invitation from an Autorickshaw Driver of Gujarat ❤️#TownhallWithKejriwal pic.twitter.com/0lf5kS5rkn

— AAP (@AamAadmiParty) September 12, 2022

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Viral Video of Delhi CM Arvind Kejriwal at Ahmedabad dinner auto rickshaw drivers home Watch trending 13 September 2022.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.