राहुल गांधींच्या विरोधासाठी भाजप IT सेलच्या प्रमुखाकडून खलिस्तानीचं समर्थन, अमेरिकेत 'नफरत छोड़ो भारत जोड़ों' आवाज घुमला

Brand Rahul Gandhi | आगामी सार्वत्रिक निवडणुकीत विरोधकांच्या ऐक्याचे महत्त्व अधोरेखित करताना काँग्रेस नेते राहुल गांधी यांनी अमेरिकेत अनिवासी भारतीयांच्या कार्यक्रमाला संबोधित करताना म्हटले की, विरोधक योग्य प्रकारे संघटित झाले तर केंद्रातील सत्ताधारी भारतीय जनता पक्षाला पराभूत केले जाऊ शकते. कर्नाटक विधानसभा निवडणुकीत काँग्रेसला मिळालेल्या विजयाचा उल्लेख करताना राहुल गांधी म्हणाले की, आगामी लोकसभा निवडणुकीसाठी आमचा पक्ष या संदर्भात काम करत आहे आणि योग्य दिशेने वाटचाल करत आहे.

भाजपची कमकुवतता स्पष्टपणे दिसत आहे
कॅलिफोर्निया विद्यापीठाच्या सिलिकॉन व्हॅली कॅम्पसमध्ये मंगळवारी सांटा क्रूझ येथील एका कार्यक्रमात मॉडरेटर आणि श्रोत्यांच्या प्रश्नांना उत्तर देताना राहुल गांधी म्हणाले की, मला भाजपची कमकुवतता स्पष्टपणे दिसत आहे. एक राजकीय व्यक्ती म्हणून मला भाजपची कमकुवतता स्पष्टपणे दिसत आहे. कर्नाटक निवडणुकीवर नजर टाकली तर काँग्रेसपक्षाने भाजपला लढवून पराभूत केले, असा सर्वसामान्यांचा समज आहे. पण जी पद्धत आम्ही वापरली ती नीट समजली नाही.

राहुल गांधी पुढे म्हणाले की, “माझ्या मते केवळ विरोधकांची एकजूट काम करण्यासाठी पुरेशी ठरणार नाही. भाजपला पर्यायी दृष्टिकोनाची गरज आहे, असे मला वाटते,’ असे सांगून ते म्हणाले की, ‘भारत जोडो यात्रा’ ही अशी दृष्टी निर्माण करण्याच्या दिशेने टाकलेले पहिले पाऊल आहे. हाच दृष्टिकोन सर्व विरोधी पक्षांशी निगडित आहे. कोणताही विरोधी पक्ष भारत जोडो यात्रेच्या कल्पनेशी असहमत होणार नाही.

आपल्या भाषणात राहुल गांधी यांनी भारतातील सत्ताधारी भारतीय जनता पक्ष (भाजप) लोकांना धमकावत असल्याचा आणि देशाच्या यंत्रणांचा गैरवापर केल्याचा आरोप केला. भाजप लोकांना धमकावत आहे आणि सरकारी यंत्रणांचा गैरवापर करत आहे. जनतेशी संपर्क साधण्यासाठी आवश्यक असलेल्या सर्व माध्यमांवर भाजप-राष्ट्रीय स्वयंसेवक संघाचे नियंत्रण असल्याने ‘भारत जोडो यात्रा’ सुरू करण्यात आली. त्यामुळे आम्ही भारताच्या दक्षिण टोकापासून श्रीनगरपर्यंत पदयात्रा काढण्याचा निर्णय घेतला.

महिलांना त्यांचे योग्य स्थान दिले पाहिजे
महिला आरक्षण विधेयकाबाबत काँग्रेसच्या भूमिकेबाबत विचारले असता ते म्हणाले, ‘हे स्पष्ट आहे. हे विधेयक मंजूर करण्यासाठी आम्ही कटिबद्ध आहोत. राजकीय व्यवस्था, व्यवसाय आणि देश चालवताना महिलांना त्यांचे योग्य स्थान द्यायचे आहे. यावेळी ते भारतीय समुदायाशी संवाद साधतील तसेच अमेरिकी खासदारांना भेटणार आहेत. अमेरिका दौऱ्यात राहुल गांधी यांनी अमेरिकेच्या इमिग्रेशन सिस्टीमच्या समस्येचा प्रत्यक्ष अनुभव घेतला.

भाजप आयटी सेल प्रमुखाचा खलिस्तानींना अप्रत्यक्ष पाठिंबा
यावेळी २-३ खलिस्तानींनी ‘खलिस्तान झिंदाबाद’ अशी नारेबाजी केली. त्यालाही राहुल गांधींनी प्रेमाने उत्तर दिलं आणि त्याची उपस्थितांनी आणि नेटिझन्सनी स्तुती केली. मात्र, येथेही राहुल गांधींना विरोध म्हणून भाजपच्या आयटी सेलच्या प्रामुख्याने ‘दंगल’ शब्दाचा उपयोग करत एक ट्विट केलं आणि त्यात खलिस्तानींना अप्रत्यक्ष पाठिंबा दिला गेला आहे असा संदेश गेला. त्यासाठी अमित मालवीय यांनी अर्धवट व्हिडिओ शेअर केला. त्यावरून लाखो नेटिझन्सनी पूर्ण व्हिडिओ शेअर करत भाजपच्या आयटी सेल प्रमुखाचे वाभाडे लढले आहेत. काँग्रेसने देखील चोख प्रत्युत्तर दिल्याने भाजप आपल्याच ट्रॅपमध्ये अडकली आहे असं चित्र निर्माण झालं आहे.

अमित मालवीय, तुम राहुल गांधी की ख़िलाफ़त करने के लिए खालिस्तान का समर्थन करने वालों का साथ क्यों दे रहे हो?

तुम्हारे अंदर भारत को तोड़ने की चाह क्यों है?

वैसे आगे सुनते तो देखते कि कैसे उन ख़ालिस्तान की चाह रखने वालों का जवाब ‘भारत जोड़ो’ के नारे लगा कर लोगों ने ही दे दिया.… https://t.co/rxVVIo1kF6 pic.twitter.com/hKpMgkwSRn

— Supriya Shrinate (@SupriyaShrinate) May 31, 2023

News Title : BJP IT Cell chief Amit Malviya indirectly supporting Khalistani to oppose Rahul Gandhi America Tour check details on 31 May 2023.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.