MOIL Share Price | फक्त एकदिवसात 13 टक्के परतावा देणाऱ्या एमओआयएल शेअर्सची खरेदी का वाढली? नेमकं कारण काय?

MOIL Share Price | एमओआयएल लिमिटेड या भारतातील सर्वात मोठ्या मॅंगनीज धातूचे उत्पादन करणाऱ्या कंपनीचे शेअर्स गुरूवारच्या ट्रेडिंग सेशनमध्ये 13 टक्के वाढीसह ट्रेड करत होते. मागील तीन वर्षांत या स्टॉकमधील ही आतापर्यंतची सर्वात मोठी वाढ होती. आज देखील या कंपनीचे शेअर्स मजबूत तेजीत वाढत आहेत. कालच्या ट्रेडिंग सेशनमध्ये सुरुवातीच्या दोन तासांत एमओआयएल लिमिटेड कंपनीचे 1.2 कोटीपेक्षा जास्त शेअर ट्रेड झाले होते.

मागील 20 दिवसांत या कंपनीच्या शेअरची सरासरी ट्रेडिंग 2.5 लाख शेअर्स होती. एमओआयएल लिमिटेड कंपनीचे शेअर्स सलग तिसऱ्या दिवशी हिरव्या निशाणीवर ट्रेड करत आहेत. आज शुक्रवार दिनांक 13 ऑक्टोबर 2023 रोजी एमओआयएल लिमिटेड स्टॉक 2.42 टक्के वाढीसह 253.80 रुपये किमतीवर ट्रेड करत आहेत.

बुधवारच्या ट्रेडिंग सेशनमध्ये एमओआयएल लिमिटेड कंपनीचे शेअर्स 5.3 टक्के वाढीसह आणि मंगळवारच्या ट्रेडिंग सेशनमध्ये 4.5 टक्के वाढीसह ट्रेड करत होते. सध्या या कंपनीचे शेअर्स आपल्या 52 आठवड्यांच्या उच्चांक किमती जवळ ट्रेड करत आहेत. एमओआयएल लिमिटेड कंपनीच्या शेअरची सर्वकालीन उच्चांक किंमत पातळी 295.52 रुपये होती. या कंपनीच्या शेअरची वार्षिक उच्चांक पातळी 265.10 रुपये होती. तर नीचांक किंमत पातळी 140.75 रुपये होती.

2023 या वर्षात एमओआयएल लिमिटेड कंपनीच्या शेअरने आपल्या गुंतवणुकदारांना 60 टक्के परतावा कमावून दिला आहे. एमओआयएल लिमिटेड कंपनीचे शेअर्स 2016 साली शेअर बाजारात सूचीबद्ध झाले होते. भारत सरकारने एमओआयएल लिमिटेड कंपनीचे 64.68 टक्के भाग धारण केले आहेत.

या कंपनीचे सध्याचे बाजार भांडवल 3,500 कोटी रुपये आहे. मागील तीन ट्रेडिंग सेशनमध्ये भारत सरकारच्या गुंतवणुकीचे मूल्य 750 कोटी वाढले आहे. MOIL कंपनीमध्ये LIC ने 7.5 टक्के भाग भांडवल धारण केले आहे. तर MFS इंटरनॅशनल न्यू डिस्कव्हरी फंडने एमओआयएल लिमिटेड कंपनीचे 3 टक्के भाग भांडवल धारण केले आहे.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | MOIL Share Price NSE 13 October 2023.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.