अलप्पुझाः केरळमधील लोकांनी पुन्हा एकदा सामाजिक भान जपले आहे. रविवारी केरळच्या अलप्पुझामधील एका मशिदीत हिंदू जोडप्याचे रितीरिवाजानुसार लग्न पार पडले. या लग्न समारंभाला मुस्लिम आणि हिंदू समाजाचे लोक उपस्थित होते. या लग्न समारंभाचे आयोजन चेरूवली मुस्लिम जमात मशिदीने केले होते.

दरम्यान, केरळचे मुख्यमंत्री पिनरई विजयन यांनी फेसबुकवर पोस्ट लिहून या जोडप्याला शुभेच्छा दिल्या आहेत. विवाह झालेल्या तरुणीचं नाव अंजू आहे. अंजूच्या वडिलांचा दोन वर्षापूर्वी ह्रदयविकाराने मृत्यू झाला होता. आई बिंदू यांच्यासमोर मुलीचं लग्न कसं करायचं याची चिंता लागली होती. पतीच्या निधनानंतर असहाय्य झालेल्या बिंदू आपल्या तीन मुलांसोबत भाड्याच्या घरात राहतात. त्यांनी मशिदीच्या व्यवस्थानकडे यासाठी मदत मागितली. यावर त्यांनी तात्काळ मदतीसाठी तयारी दर्शवली.

 

Web Title:  Hindu couple got married in Mosque in Kerala Chief Minister Pinarai Vijayan congratulates couple and terms it as example of unity.

मशिदीत पार पडला हिंदू विवाह, मुस्लीम समाजाचा पुढाकार आणि १० तोळं सोनं दिलं भेट