चेक महागात पडला; इमरान खान यांना चेक देणारी व्यक्ती कोरोना पॅझिटिव्ह

इस्लामाबाद, २१ एप्रिल: पाकिस्तानचे पंतप्रधान इम्रान खान यांची करोना व्हायरसची चाचणी होऊ शकते किंवा त्यांना आयसोलेशनमध्ये राहायला सांगितले जाऊ शकते. काही दिवसांपूर्वी इम्रान खान पाकिस्तानातील एका प्रसिद्ध समाजसेवकाला भेटले होते. त्या समाजसेवकाचा करोनाचा चाचणीचा रिपोर्ट पॉझिटिव्ह आला आहे. त्यामुळे खबरदारी म्हणून इम्रान खान यांची सुद्धा Covid-19 ची चाचणी केली जाईल किंवा त्यांना आयसोलेशनमध्ये रहायला सांगितले जाऊ शकते. द हिंदू ने हे वृत्त दिले आहे.

मिळालेल्या माहितीनुसार, कोरोना व्हायरसचा सामना करण्यासाठी मदत म्हणून सामाजिक कार्यकर्ते फैसल एधी यांनी पंतप्रधान इम्रान खान यांना एक चेक दिला होता. मात्र, आता फैसल एधी यांना कोरोनाची लागण झाल्याने पंतप्रधान इम्रान खान यांच्यावरही कोरोनाचे संकट घोंघावत आहे. इदी फाऊंडेशनचे अध्यक्ष फैझल इदी यांनी मागच्या आठवडयात इम्रान खान यांची भेट घेतली होती. त्यांचा करोना चाचणीचा रिपोर्ट पॉझिटिव्ह आला आहे.

पाकिस्तानात कोरोनाबाधितांची संख्या वेगाने वाढत आहे. आतापर्यंत येथे ८ हजार ४१८ जणांना कोरोना झाल्याचे समोर आले आहे. तर १७६ जणांचा कोरनामुळे मृत्यू झाला असून १ हजार ९७० जण बरे होऊन घरी गेले आहेत. पाकिस्तानातील पंजाब प्रांताला कोरोनाचा सर्वाधिक फटका बसला आहे.

News English Summary: Pakistan’s Prime Minister Imran Khan could be tested for the corona virus or be told to stay in isolation. A few days ago, Imran Khan met a famous social worker in Pakistan. The Coroner’s test report for that social worker has come positive. Therefore, as a precaution, Imran Khan will also be tested on Covid-19 or he may be asked to stay in isolation. The Hindu has reported this.

News English Title: Story Pakistan Prime Minister Imran Khan may get tested for Covid 19 News Latest Updates.