गणेशोत्सवात कोकणात जाण्यासाठी सवलतीच्या दरात बस उपलब्ध करा - आ. राजू पाटील

मुंबई , १३ जुलै : कोरोनाच्या पार्श्वभूमीवर चारकमान्यांना कोकणात जाण्यासाठी वाहतूक सुविधा अद्यापही उपलब्ध नाही. चाकरमन्यांनी कोकणात कसं जावं हा प्रश्न उभा ठाकला आहे. तसेच, गणेशोत्सवात कोकणबंदी होण्याची भितीही व्यक्त करण्यात येतेय. त्यामुळे या मुद्द्यावरूनही राजकारणही तापलं आहे. या प्रश्नात आता मनसेने उडी घेतली असून गणेशोत्सवासाठी कोकणात जाणाऱ्यांसाठी सरकारनं सवलतीच्या दरात बस उपलब्ध करुन द्याव्यात, अशी मागणी मनसेचे आमदार राजू पाटील यांनी केली आहे.

गणपतींसाठी कोकणात जाणाऱ्या कोकणवासियांना खासगी बसेस मनमानी भाडे आकारत आहेत. कोकणवासियांसाठी सवलतीच्या दरात बसेस उपलब्ध करून दिल्यास तसेच कोकणसाठी विशेष रेल्वे गाड्या सोडल्यास या कठीण काळात त्यांना थोडा दिलासा मिळेल.@CMOMaharashtra @advanilparab @samant_uday @KonkanRailway

— Raju Patil (@rajupatilmanase) July 13, 2020

लॉकडाऊनच्या काळात गावी जाण्यासाठी खासगी बस ट्रॅव्हल्सकडून अव्वाच्या सव्वा रुपये उकळले जात आहेत. त्यामुळे सरकारनं गणपतीसाठी कोकणात जाणाऱ्यांसाठी सवलतीच्या दरात बस उपलब्ध करुन द्याव्यात तसंच, कोकणसाठी विशेष रेल्वे गाड्या सोडल्यास त्यांना या कठीण काळात दिलासा मिळेल. असं ट्विट महाराष्ट्र नवनिर्माण सेनेचे आमदार राजू पाटील यांनी केलं आहे.

दरम्यान, कोरोना व्हायरसचा वाढता प्रादुर्भाव पाहता या विषाणूच्या वाढच्या संसर्गावर आळा घालण्यासाठी म्हणून रायगड जिल्ह्यात पुन्हा एकदा ल़ॉकडाऊन लागू करण्याचा निर्णय घेण्यात आला आहे. जिल्ह्यात १५ जुलैच्या मध्यरात्रीपासून २४ जुलैपर्यंत लॉकडाऊन कायम राहणार आहे.

आज पार पडलेल्या सर्वपक्षीय बैठकीत याबाबत निर्णय घेण्यात आला. या बैठकीत पालकमंत्री आदिती तटकरे यांनी करोना संसर्गाच्या परिस्थितीचा आढावा घेत, हा निर्णय घोषित केला. या कालावधीत अत्यावश्यक सेवा सुरू राहणार आहेत. मात्र, किराणा माल आणि भाजी विक्री बंद राहणार आहे. त्यामुळं जिल्ह्यात कोरोनाचा हा वाढता संसर्ग आटोक्यात आणण्यासाठी दहा दिवसांच्या कडक लॉकडाऊनचा निर्णय घेण्यात आला आहे.

News English Summary: Fear of Konkan ban is also expressed during Ganeshotsav. Therefore, politics is also hot on this issue. MNS MLA Raju Patil has demanded that the government should provide buses at a discounted rate for those going to Konkan for Ganeshotsav.

News English Title: MNS MLA Raju Patil has demanded that the government should provide buses at a discounted rate for Konkan for Ganeshotsav News Latest Updates.