बलात्काराच्या घटनांना जरा जास्तच प्रसिद्धी: हेमा मालिनी

मथुरा : भाजपच्या खासदार हेमा मालिनी आता वादाच्या भोवऱ्यात सापडण्याची चिन्हं आहेत. त्यांनी बलात्कारांच्या घटनांवर बोलताना वक्तव्य केलं की,’मुलींवरील बलात्काराच्या वाढत्या घटना ही चिंतेची बाब आहे, परंतु अशा घटनांना जरा जास्तच प्रसिद्धी दिली जात आहे’ असं म्हणून त्यांनी नव्या वादाला तोंड फोडलं आहे.

देशात या आदी सुद्धा अशाप्रकारच्या घटना घडल्या असतील, परंतु देशभरात त्या इतक्या प्रकाशझोतात कधीच आल्या नाहीत असं धक्कादायक विधान भाजप खासदार हेमा मालिनी यांनी केलं आहे. मथुरा येथे एका कार्यक्रमासाठी त्यांनी उपस्थिती लावली होती, त्यावेळी माध्यमांनी विचारलेल्या प्रश्नांवर त्यांनी ही प्रतिक्रिया दिली.

केवळ देशभरातच नाही तर जगभरात कठुआ, उन्नाव, सुरत, आणि मध्य प्रदेशातही घडलेल्या बलात्काराच्या घटनांनी खळबळ माजली असून देशभरातून आधीच संताप व्यक्त केला जात आहे आणि त्यातून भाजपच्या खासदार हेमा मालिनी यांनी केलेल्या या विधानाने भाजप विरोधातील परिस्थिती आणखी चिघळण्याची चिन्हं आहेत.

Abhi jyada iska publicity ho raha hai aajkal. Pehle bhi shayad ho raha hoga maloom nahin tha. Lekin iske upar zaroor dhyan diya jaayega. Aisa jo haadsa ho raha hai nahin hona chahiye, isse desh ka bhi naam kharab ho raha hai: BJP MP Hema Malini on crimes against children pic.twitter.com/Y4CdDO5rGq

— ANI UP (@ANINewsUP) April 21, 2018