जीवनावश्यक यादीतून कांदा वगळला मग कारवाई का | पवारांचा केंद्राला सवाल

नाशिक, २८ ऑक्टोबर : धाडी, आयात, निर्यात हे सर्व निर्णय केंद्र सरकारच्या अधिकारात आहेत. मात्र, जीवनावश्यक यादीतून कांदा वगळला मग कारवाई का? असा सवाल करत राष्ट्रवादी काँग्रेसचे अध्यक्ष शरद पवार यांनी केंद्र सरकारला खडसावलं आहे.

निर्यात बंद, आयात सुरू हा निर्णय अतर्क्य आहे. कांदा, ट्रान्सपोर्टेशन 25 टन मर्यादा देखील चुकीची आहे. या मुद्द्यावर आपण केंद्राशी चर्चा करणार असल्याची ग्वाही शरद पवार यांनी दिली. केंद्र सरकारच्या धोरणात्मक निर्णयानं हा प्रश्न सुटू शकतो. राज्य सरकार कडून फार या प्रश्नावर अपेक्षा करू नये, असं देखील शरद पवार यांनी यावेळी स्पष्ट केलं.

दरम्यान, शरद पवार यांनी ऊसतोडणीच्या दरावर काल तोडगा काढला. त्यानंतर आज ते नाशिकच्या दौऱ्यावर आहेत. कांदा उत्पादक आणि व्यापाऱ्यांची भेट घेऊन त्यांच्याशी शरद पवार यांनी चर्चा केली.

कांद्याची चर्चा झाल्याशिवाय नाशिकला गेलो असे वाटत नाही. देशात सर्वाधिक कांदा नाशकात पिकविला जातो. यामध्ये नाशिक जिल्ह्यातील कांदा उत्पादक शेतकऱ्यांचा मोठा वाटा आहे, असे सांगत पवार यांनी आपल्या भाषणाला सुरुवात केली. यावेळी पवार पुढे म्हणाले, केंद्र सरकारने निर्यात बंद करुन आयात सुरु करण्याचा परस्परविरोधी निर्णय घेतला आहे. यामुळे कांदा उत्पादक शेतकऱ्यांना अडचणींचा सामना करावा लागत आहे. राज्य सरकारपेक्षा केंद्र सरकारच्या माध्यमातून कांद्याचा प्रश्न लवकर सुटू शकेल. त्यामुळे राज्य सरकारसोबत चर्चा ही निष्फळ ठरणारी असेल. कांदा आयात, निर्यात हे निर्णय केंद्राच्या स्तरावर होत असतात. कांद्याला जर अत्यावश्यक सेवेतून वगळण्यात आले असेल, तर पुन्हा हस्तक्षेप करण्याची गरज राहत नसल्याचेही पवार यावेळी म्हणाले, कांद्याच्या बाबतीत घालण्यात आलेली बंधने लवकरात लवकर हटविली पाहिजे.

News English Summary: The decisions of import, export are all in the hands of the Central Government. However, if onion is removed from the list of essentials, then why take action? Asking this question, NCP President Sharad Pawar has slammed the Central Government. The decision to stop exports and start imports is irrational. Onion, transportation 25 ton limit is also wrong. Sharad Pawar testified that he would discuss the issue with the Center. This problem can be solved by the policy decision of the central government. Sharad Pawar also clarified that one should not expect much from the state government on this issue.

News English Title: NCP President Sharad Pawar in Nashik onion issue News updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.