Special Recipe | उरलेल्या भाताची भजी आहे चटपटीत आणि खमंग बघा बनवून !

मुंबई ५ मे : उरलेल्या भाताचं करायचं काय असा नेहमी प्रश्न पडतो. बऱ्याचदा केवळ फोडणीचा भात केला जातो अथवा थालिपीठ लावलं जातं. यापलीकडे जाऊन उरलेल्या भाताचं नक्की काय करता येणार? तर उरलेल्या भाताची चविष्ट आणि कुरकुरीत भजीही बनवता येतील. उरला असेल भात तर आजच्या आज ही भजी करून बघा. त्यासाठी नक्की काय साहित्य लागणार आहे आणि काय आहे कृती ते खालीलप्रमाणे आहे.

साहित्य :
साधारण एक वाटी उरलेला शिळा भात
1 चमचा आलं – लसूण – हिरव्या मिरचीची पेस्ट
अर्धा कप बेसन
2 चमचे चिरलेली कोथिंबीर
2 चमचे लिंबाचा रस
2 शिजलेले बटाटे (मॅश करून)
चवीनुसार मीठ
पाव चमचा हळद पावडर
1 चमचा लाल मिरची पावडर
1 चमचा धने जिरे पावडर
पाणी आवश्यकतेनुसार
तळण्यासाठी तेल

कृती:-
वर दिलेले सर्व साहित्य, केवळ तळण्यासाठीचे तेल सोडून सगळे एकत्र करून मळून घ्या. बटाटे नीट मॅश करा. त्यात फोड राहू देऊ नका नाहीतर त्याचा स्वाद वेगळा लागतो. हे सर्व एकत्र करून नीट मळून घ्या. तुम्हाला गरज असेल तितकंच पाणी यामध्ये घाला. ही पेस्ट जास्त पातळ अथवा जास्त जाड करू नका. जसे कांदा अथवा कोबीच्या भजीसाठी आपण पिठ भिजवतो तितकेच याचे प्रमाण आहे. त्याप्रमाणे भिजवा आणि त्यानंतर तेल तापायला ठेवा. व्यवस्थित तेल तापल्यानंतर हे पीठ सोडून भजीच्या आकारात तळा. तुमची चविष्ट आणि कुरकुरीत भजी तयार आहेत. हिरवी चटणी अथवा टॉमेटो सॉसबरोबर ही भजी सर्व्ह करा.

News English Summary: There is always the question of what to do with the rest of the rice. Often only fodani rice is served or thalipith is planted. What exactly can be done with the rest of the rice? The rest of the rice can also be made into tasty and crunchy bhaji. If there is any rice left, try this bhaji today. Exactly what materials are required for this and what is the action is as follows.

News English Title: Crunchy and crispy rice bhaji news update article

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.