VIDEO | राकेश-दक्षिणाच्या लग्नासाठी संपूर्ण विमान बूक केलं | विमानात १६१ नातेवाईकांची उपस्थिती

मदुराई, २४ मे | जेव्हा देशात कोरोनाच्या संकटामुळे सामान्य जनजीवन पूर्णपणे विस्कळीत झाले आहे. अशा काळात सरकारने लॉकडाऊनसारखे कठोर निर्बंध लागू केले आहेत. लग्नाच्या या मौसमात अनेक लोकांना यामुळे अनेक अडचणींचा सामना करावा लागत आहे. तर काही लोक या सोहळ्यासाठी वेगवेगळ्या मार्गांचा अवलंब करत आहेत. असाच एक प्रकार तमिळनाडूच्या मदुराईमधून समोर आला आहे. पूर्ण तामिळनाडूमध्ये लॉकडाऊन लागू आहे आणि अशा परिस्थितीत एका जोडप्याने आपला विवाह संस्मरणीय करण्याचा निर्णय घेतला आहे.

तामिळनाडूतील मदुराई येथील या भन्नाट लग्नानं आता संपूर्ण देशाचं लक्ष वेधलं आहे. लग्नासाठी या जोडप्यानं मदुराई ते बँगलोर अशा प्रवासासाठी संपूर्ण विमान बूक केलं आणि जेव्हा हे विमान मदुराई मिनाक्षी अम्मन मंदिरावरून जात होतं, तेव्हा कपलनं एकमेकांशी विवाह केला. या विमानात १६१ नातेवाईकांची उपस्थिती होती. राकेश-दक्षिणा हे दोघंही मदुराई येथे राहणारे आहेत. त्यांनी आकाशात लग्न करण्यासाठी दोन तास विमान भाड्यानं घेतलं. तामिळनाडूतील कोरोना नियमांपासून वाचण्यासाठी हा घाट घातला गेला. सर्व नातेवाईकांचे कोरोना रिपोर्ट निगेटिव्ह होते.

VIDEO | तामिळनाडूतील मदुराई येथील राकेश-दक्षिणा यांच्या लग्नासाठी मदुराई ते बँगलोर अशा प्रवासासाठी संपूर्ण विमान बूक केलं. या विमानात १६१ नातेवाईकांची उपस्थिती होती.

तामिळनाडू – मदुराई pic.twitter.com/M9WX3IgPfw

— महाराष्ट्रनामा न्यूज (@MahaNewsConnect) May 24, 2021

News English Summary: This abandoned wedding in Madurai, Tamil Nadu has now caught the attention of the entire country. The couple booked the entire flight from Madurai to Bangalore for the wedding and while the flight was passing through Madurai Meenakshi Amman Temple, the couple got married to each other.

News English Title: Tamilnadu with lockdown imposed in states couple gets married in the air Plane news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.