यापुढे शिवसेनेने आमच्याशी पंगा घेतला तर आम्ही जशास तसे उत्तर देणार - चंद्रशेखर बावनकुळे

अमरावती, २६ ऑगस्ट | देवेंद्र फडणवीस सरकारने 31 जुलै 2019 ला वटहुकूम काडून ओबीसींचे 27 टक्के आरक्षण वाचवले. त्यानंतर राज्यात जिल्हा परिषद निवडणुकाही त्या वटहुकूमामुळेच ओबीसींना मिळालेल्या आरक्षणानुसारच झाल्यात. दुर्दैवाने आमचे सरकार जाऊन नवीन सरकार आले आणि तो वटहुकूम रद्द झाला. राज्यातील महाविकास आघाडी सरकार न्यायालयात इच्छाशक्ती अभावी ओबीसी आरक्षण वाचवू शकले नाही. मुळातच त्यांना ओबीसी आरक्षण टिकवायचे नसून या आरक्षणाविनाच त्यांना स्थानिक स्वराज्य संस्थांच्या निवडणुका लढवायच्या आहेत, असा आरोप भाजपचे प्रदेश महासचिव चंद्रशेखर बावनकुळे यांनी केला. आता 85 टक्के स्थानिक स्वराज्य संस्थांच्या निवडणुका पुढच्या वर्षी होत आहेत. त्यामुळे डिसेंबरपर्यंत ओबीसी आरक्षण लागू झाले नाही तर राज्यातील मंत्र्यांना महाराष्ट्राची जनता गावबंदी करेल, असा इशाराही चंद्रशेखर बावनकुळे यांनी अमरावतीत दिला.

यापुढे शिवसेनेने आमच्याशी पंगा घेतला तर आम्ही जशास तसे उत्तर देणार – BJP leader Chandrashekhar Bawankule ultimatum to MahaVikas Aghadi on OBC reservation :

तरुणांना समस्कृतीक मंच देण्यासह देशाची संस्कृती कळावी, तसेच भारत महासत्ता होण्यासाठी युवकांना सक्षम करण्यासाठी भाजपच्या युवा वॉरियर नोंदणीसाठी भाजपचे नेते चंद्रशेखर बावनकुळे आणि भारतीय जनता युवा मोर्चाचे प्रदेश अध्यक्ष विक्रांत पाटील अमरावतीत आले होते. भाजप कार्यल्यावर शिवसैनिकांनी केलेल्या हल्ल्याचा निषेध नोंदवीत दोन्ही नेते दुचाकी रॅलीत सहभागी होऊन पोलीस आयुक्तालयातही गेले. भाजप कार्यल्यावर हल्ला करणाऱ्यांना त्वरित अटक व्हावी अशी मागणीही या नेत्यांनी केली. युवा वॉरीयर उपक्रमासह विविध राजकीय विषयांसंदर्भात त्यांनी पत्रकरांशी संवादही साधला.

शिवसेनेचा इतिहास तपासा, हे अनेकांना खालच्या भाषेत बोलले आहेत. उत्तरप्रदेशचे मुख्यमंत्री योगी आदित्यनाथ यांना उद्धव ठाकरे यांनी जोडे मारण्याची भाषा वापरली होती. देवेंद्र फडणवीसांसंदर्भातही खालच्या दर्जाचे शब्दप्रयोग केले होते. मात्र, आम्ही त्यांच्याविरोधात कुठलेही कृत्य केले नाही. नारायण राणे यांना चक्क जेवणाच्या ताटावरून पोलिसांनी उचलले ही गंभीर बाब होती. मुख्यमंत्री म्हणून उद्धव ठाकरे यांनी शिवसैनिकांना शांत राहण्याचे आवाहन करणे अपेक्षित होते. मात्र, त्यांनी तसे काही केले नाही. शिवसैनिकांनी आमचे कार्यालय जाळण्याचा प्रयत्न केला आहे. यापुढे शिवसेनेने आमच्याशी पंगा घेतला तर आम्ही जशास तसे उत्तर देणार, असा इशाराही चंद्रशेखर बावनकुळे यांनी दिला.

महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया महाराष्ट्रनामाला न विसरता ‘फॉलो (Follow) ‘ करा. तुमच्या आवडी प्रमाणे विषय घेऊन लेख/बातमी लिहिणे आमच्या टीमला देखील खूप आवडेल आणि तुमची वाचनाची गोडी देखील त्यामुळे वाढेल. त्यामुळे आम्हाला नक्की फॉलो करा. महाराष्ट्रनामा नेहमीच वाचकाच्या पसंतीचे आणि निरनिराळ्या पण महत्वाच्या विषयांवरील लेख प्रसिद्ध करण्यास वचनबद्ध आहे. जर तुम्हाला आमचा हा लेख आवडला असेल तर तुमच्या मित्र मंडळीपर्यंत WhatsApp किंवा Facebook च्या माध्यमातून नक्की शेअर करा. तसेच अयोग्यविषयक प्रकाशित / प्रसारित केलेली बातमी /लेख केवळ आपल्या माहितीसाठी असतो. कृपया त्यांच्याशी संबंधित कोणत्याही वापरापूर्वी एखाद्या तज्ञाचा सल्ला घ्या.

News Title: BJP leader Chandrashekhar Bawankule ultimatum to MahaVikas Aghadi on OBC reservation.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.