Tata Technologies IPO | पहिल्याच दिवशी लॉटरी लागणार! टाटा टेक्नॉलॉजी IPO ला तुफान प्रतिसाद, GMP पाहून गुंतवणूकदार खुश

Tata Technologies IPO | टाटा समूहाचा भाग असलेल्या टाटा टेक्नॉलॉजी कंपनीचा आयपीओचा गुंतवणुकीसाठी खुला करण्यात आला आहे. आतापर्यंत टाटा टेक्नॉलॉजी IPO 11 पट अधिक सबस्क्राईब झाला आहे. ग्रे मार्केटमध्ये देखील टाटा टेक्नॉलॉजी कंपनीचे शेअर्स धुमाकूळ घालत आहेत.

ग्रे मार्केटचा आढावा घेणाऱ्या तज्ञांच्या मते, टाटा टेक्नॉलॉजी स्टॉक 395 रुपये प्रीमियम किमतीवर ट्रेड करत आहे. तज्ञांच्या मते टाटा टेक्नॉलॉजी कंपनीचे शेअर्स लिस्टिंगच्या पहील्याच दिवशी गुंतवणूकदारांचे पैसे दुप्पट करतील.

टाटा टेक्नॉलॉजी कंपनीने आपल्या IPO मध्ये शेअरची किंमत बँड 475-500 रुपये निश्चित केली होती. ग्रे मार्केटमध्ये या कंपनीचे शेअर्स 395 रुपये प्रीमियम किमतीवर ट्रेड करत आहेत. म्हणजेच जर टाटा टेक्नॉलॉजी कंपनीचे शेअर्स 500 रुपये अप्पर किंमत बँडवर वाटप केले गेले, या कंपनीचे शेअर्स 895 रुपये किमतीवर सूचीबद्ध केले जाऊ शकतात.

याचा अर्थ टाटा टेक्नॉलॉजी कंपनीच्या गुंतवणूकदारांना स्टॉक लिस्टिंगच्या पहील्याच दिवशीच 80 टक्के नफा मिळू शकतो. या कंपनीचा IPO 24 नोव्हेंबर 2023 पर्यंत गुंतवणुकीसाठी खुला असेल.

शेअर बाजारातील तज्ञ टाटा टेक्नॉलॉजी कंपनीच्या IPO बाबत सकारात्मक आहेत. या कंपनीचा IPO आतपर्यंत 11 पट अधिक सबस्क्राइब झाला आहे. या कंपनीच्या IPO मधील किरकोळ गुंतवणूकदारांचा राखीव कोटा 9.33 पट अधिक सबस्क्राइब झाला आहे.

गैर-संस्थात्मक गुंतवणूकदारांचा राखीव कोटा 23.17 पट अधिक सबस्क्राईब झाला आहे. पात्र संस्थात्मक गुंतवणूकदारांचा राखीव कोटा 6.21 पट अधिक सबस्क्राईब झाला आहे. कंपनीच्या कर्मचारी वर्गासाठी राखीव ठेवण्यात आलेला कोटा 2 पट सबस्क्राईब झाला आहे.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | Tata Technologies IPO GMP today 24 November 2023.