मनसुखच्या मृत्यूचा तपास NIA ला सोपवावा | सेशन कोर्टाचा ATS ला आदेश

मुंबई, २४ मार्च: अँटिलिया प्रकरणासंबंधीत मनसुख हिरेनच्या मृत्यूच्या प्रकरणात ठाणे सेशन कोर्टाने बुधवारी महाराष्ट्र दहशतवादविरोधी पथकाला (ATS) आदेश दिला की, या प्रकरणाचा तपास थांबवून हा राष्ट्रीय तपास यंत्रणा (NIA)ला सोपवावा. या प्रकरणात एनआयएने कोर्टाला अपील केले की केंद्रीय गृह मंत्रालयाच्या आदेशानंतरही एटीएसने त्याकडे तपास हस्तांतरित केला नाही.

दुसरीकडे अँटिलिया तपासमध्ये NIA ला सलग नवीन पुरावे सापडत आहेत. दोन दिवसांपूर्वीच एका फाइव्ह स्टार हॉटेलमध्ये छापेमारी करण्यात आली. या दरम्यान CCTV च्या तपासात समोर आले की, निलंबित API सचिन वाझे ज्या काळात या हॉटेलमध्ये थांबलेले होते, त्या दरम्यान एक महिला त्यांना भेटण्यासाठी आली होती. या महिलेजवळ नोटा मोजण्याचे मशीन होते.

NIA ला संशय आहे की, ही महिला वाझेंच्या जवळची व्यक्ती आहे, यामुळे महिलेचा तपास सुरू केला आहे. NIA ला संशय आहे की, ही महिला या संपूर्ण कटामध्ये सहभागी असू शकते. दुसरीकडे महाराष्ट्र ATS’ने याबाबतीत संपूर्ण तपास पूर्ण केल्याचं म्हटलं होतं तसेच या तपासात मोठी आघाडी घेतल्याचं पाहायला मिळालं होतं.

News English Summary: The Thane Sessions Court on Wednesday directed the Maharashtra Anti-Terrorism Squad (ATS) to suspend its probe into the death of Mansukh Hiren in the Antilia case and hand it over to the National Investigation Agency (NIA). In this case, the NIA appealed to the court that the ATS did not transfer the investigation to it even after the order of the Union Home Ministry.

News English Title: ATS to suspend its probe into the death of Mansukh Hiren in the Antilia case and hand it over to the NIA order Thane Sessions Court news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.