कोरोना आपत्ती | कतारवरून ४० टन ऑक्सिजन घेऊन महाकाय जहाज मुंबईत, आदित्य ठाकरेंची उपस्थिती

मुंबई, १० मे | देशातील अनेक राज्यांमध्ये ऑक्सिजनचा प्रचंड तुटवडा जाणवत आहे. परिणामी राज्ये तसेच केंद्रशासित प्रदेशांना ऑक्सिजनचा शास्त्रीय आधारावर पुरवठा करण्यासाठी सुप्रीम कोर्टाने एका कृतिदलाची (टास्क फोर्स) स्थापना केली आहे. हे कृतिदल ऑक्सिजन वितरणाची एक निश्चित कार्यप्रणाली तयार करेल. संपूर्ण देशातील ऑक्सिजनची गरज, त्याची उपलब्धता आणि वितरण या आधारावर मूल्यांकन करून कार्यप्रणाली निश्चित केली जाईल.

कोरोनाकाळात ऑक्सिजनचा तुटवडा निर्माण झाल्यावर केंद्राकडून काही विशिष्ट राज्यांना केल्या जात असलेल्या पुरवठ्यासंबंधी दाखल याचिकेवर सुनावणी करताना सुप्रीम कोर्टाने यासाठी विशेष कृतिदल स्थापन करण्यात यावा, असे आदेश दिले होते.

दुसरीकडे राज्य सरकार देखील स्वबळावर ऑक्सिजन निर्मितीचे प्लांट उभारत आहेत तसेच परदेशातून देखील ऑक्सिजनचा पुरवठा सुरु आहे. आज कतारवरून ४० टन ऑक्सिजन आणि इतर वैद्यकीय साहित्य मुंबईत आले आहे. एका महाकाय जहाजातुन हा पुरवठा करण्यात आला आहे. यावेळी आढावा घेण्यासाठी स्वतः पर्यावरण मंत्री आदित्य ठाकरे देखील उपस्थित होते. या ऑक्सिजनचा मुंबईसाठी मोठा फायदा होणार आहे.

मुंबई: कोरोना काळात विविध देश भारताला वैद्यकीय साहित्य सामुग्रीची मदत देत असून त्याच धर्तीवर कतारवरून ४० टन ऑक्सिजन व इतर वैद्यकीय साहित्य घेऊन मुंबईत आले. या महाकाय जहाजाचे स्वागत पर्यावरण मंत्री आदित्य ठाकरे यांनी केले. pic.twitter.com/SbHppLeHpZ

— महाराष्ट्रनामा न्यूज (@MahaNewsConnect) May 10, 2021

News English Summary: During the Corona period, various countries were supplying medical supplies to India, and on the same lines, 40 tons of oxygen and other medical supplies came to Mumbai from Qatar. This huge ship was welcomed by Environment Minister Aditya Thackeray.

News English Title: Maharashtra corona pandemic Oxygen supply arrived in Mumbai sent from Qatar news updates.