20 June 2021 3:38 PM
अँप डाउनलोड

कोरोना लसीकरणात महाराष्ट्र राज्य टॉप | दोन्ही डोस घेतलेल्यांची संख्या ५० लाखांवर

Vaccination

मुंबई, 10 जून | राज्यातील अडीच कोटींहून अधिक नागरिकांना कोरोना प्रतिबंधक लस देऊन महाराष्ट्राने देशातील अग्रस्थान कायम राखले आहे. विशेष म्हणजे राज्यात दोन्ही डोस घेतलेल्या नागरिकांची संख्या 50 लाखांहून अधिक आहे. एवढ्या मोठ्या प्रमाणात लसीकरण करणारे महाराष्ट्र एकमेव राज्य असून त्यापाठोपाठ उत्तर प्रदेश आणि गुजरातचा क्रमांक लागतो. राज्याच्या या कामगिरीबद्दल मुख्यमंत्री उद्धव ठाकरे, आरोग्यमंत्री राजेश टोपे यांनी यंत्रणेचे कौतुक केले आहे.

BhagyaVivah Marathi Matrimonial

लसीकरणाच्या बाबतीत महाराष्ट्र सुरूवातीपासून देशात आघाडीवर असून त्यामध्ये सातत्य कायम राखले आहे. आजपर्यंत महाराष्ट्रात 2 कोटी 7 हजार 70 नागरिकांना लसीचा पहिला डोस देण्यात आला आहे. तर दुसरा डोस घेतलेल्या नागरिकांची संख्या सुमारे 50 लाख 8 हजार 476 एवढी आहे.

राज्याचे आरोग्यमंत्री राजेश टोपे यांनी राज्यातील लसीकरणाची माहिती ट्विट केली आहे. “राज्यातील अडीच कोटींहून अधिक नागरिकांना कोरोना प्रतिबंधक लस देऊन महाराष्ट्राने देशातील अग्रस्थान कायम राखले आहे. विशेष म्हणजे राज्यात दोन्ही डोस घेतलेल्या नागरिकांची संख्या ५० लाखांहून अधिक आहे. एवढ्या मोठ्या प्रमाणात लसीकरण करणारे महाराष्ट्र एकमेव राज्य असून त्यापाठोपाठ उत्तर प्रदेश आणि गुजरातचा क्रमांक लागतो. राज्याच्या या कामगिरीबद्दल यंत्रणेचे अभिनंदन”, असं राजेश टोपे यांनी ट्विटमध्ये म्हटलं आहे.

 

News English Summary: Maharashtra has maintained its lead in the country by vaccinating more than two and a half crore people in the state against corona. In particular, the number of citizens in the state who have taken both doses is more than 50 lakh. Maharashtra is the only state to have such a large number of vaccinations, followed by Uttar Pradesh and Gujarat. Chief Minister Uddhav Thackeray and Health Minister Rajesh Tope have praised the system for its performance.

News English Title: Maharashtra on top in corona vaccination news updates.

हॅशटॅग्स

#Health(529)

संबंधित बातम्या

राहुन गेलेल्या बातम्या

x