होय एका प्रशिक्षण हॉलचं रुपांतर रुग्णालयात करण्यात आलं..पण - लष्कराचा खुलासा

नवी दिल्ली, ४ जुलै : पंतप्रधान नरेंद्र मोदी शुक्रवारी सकाळी अचानक कुशॉक बाकुला रिमपोची विमानतळावर दाखल झाले आणि सर्वांनाच आश्चर्याचा धक्का बसला. कारण पंतप्रधान मोदी लेहमध्ये दाखल होईपर्यंत त्यांच्या दौऱ्याबद्दल कमालीची गुप्तता बाळगण्यात आली होती. प्रसारमाध्यमांनाही मोदींच्या या दौऱ्याबद्दल कुठलीही पूर्वकल्पना नव्हती.

पंतप्रधान नरेंद्र मोदींचा हा लेह दौरा अनेक अर्थांनी महत्त्वपूर्ण ठरला. कारण मोदींच्या दौऱ्यानंतर सर्वच माध्यमांवर याच बातम्या झळकू लागल्या होत्या. विशेष म्हणजे याच दौऱ्यावर असताना त्यांनी गलवान खोऱ्यात भारत आणि चीन सैन्यामध्ये झालेल्या हिंसक झटापटीत जखमी झालेल्या जवानांची इस्पितळ भेट घेतली होती. मात्र त्याच इस्पितळातील भेटीची सध्या समाज माध्यमांवर जोरदार चर्चा रंगली आहे.

मोदींनी ज्या इस्पितळाला भेट दिली ते इस्पितळ नसून सेमिनार हॉल असल्याचा आरोप काँग्रेसच्या प्रवक्त्यांनी केला आहे. दुसरी विशेष गोष्ट म्हणजे ज्या जखमी जवानांची मोदींनी इस्पितळात भेट घेतली होती, त्या इस्पितळात जवान बैठे बैठे सावधान पोझिशनमध्ये होते. दुसरी महत्वाची गोष्ट म्हणजे त्या इस्पितळातील फोटो समोर आल्यावर ते नेमकं इस्पितळंच होतं का असा प्रश्न समाज माध्यमांवर विचारला जाऊ लागला आहे. इतकंच नव्हे तर सोशल मीडियावर या भेटीवरुनच पंतप्रधान नरेंद्र मोदींना आणि भाजपाला ट्रोल केलं जाऊ लागलं. एवढंच नाही तर #MunnaBhaiMBBS हा ट्रेंडही आला. यानंतर आता खुद्द लष्कराने पत्रक काढून यावर खुलासा केला आहे.

#IndianArmy clarification on status of facility at General Hospital, Leh.https://t.co/LmEOrk0Hyf pic.twitter.com/s1biqIVpN4

— ADG PI – INDIAN ARMY (@adgpi) July 4, 2020

पंतप्रधान नरेंद्र मोदी यांनी गलवान खोऱ्यात जखमी झालेल्या जवानांची रुग्णालयात भेट घेतली. पंतप्रधान नरेंद्र मोदी हे लडाख येथील रुग्णालयात ३ जुलै रोजी आले होते. मात्र सोशल मीडियावर यावरुन काही टीका होताना दिसते आहे. ही बाब अत्यंत दुर्दैवी आहे. पंतप्रधान नरेंद्र मोदींवर जे काही आरोप करण्यात येत आहेत ते दुर्दवी आहेत असंही लष्कराने म्हटलं आहे.

सध्या करोनाचं संकट देशावर आहे. त्यानुसारच लेह येथील सामान्य रुग्णालयात काही बदल करण्यात आले आहेत. एका प्रशिक्षण हॉलचं रुपांतर रुग्णालय विभागात करण्यात आलं आहे. त्यावरुनही जे काही बोललं गेलं त्यापेक्षा मोठी दुर्भाग्याची गोष्ट काय? असंही लष्कराने म्हटलं आहे. गलवान खोऱ्यात जे सैनिक जखमी झाले त्यांना करोनाची बाधा होऊ नये म्हणून या ठिकाणी वेगळ्या कक्षात ठेवण्यात आलं आहे. त्यासाठी नेहमी व्हिडीओ ऑडिओ प्रशिक्षण दिल्या जाणाऱ्या हॉलचं वेगळ्या रुग्ण कक्षेत रुपांतर करण्यात आलं आहे असंही लष्कराने त्यांच्या पत्रकात म्हटलं आहे.

News English Summary: From this visit on social media, Prime Minister Narendra Modi and the BJP started being trolled. Not only that, but the trend #MunnaBhaiMBBS also came. After this, the army itself has taken out a leaflet and revealed this.

News English Title: Fact Check Did Modi Visit The Hospital Or Not Army Press Release Says News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.