शर्जीलला हवा इस्लामी भारत; पोलीस चौकशीत धक्कादायक माहिती समोर

नवी दिल्ली: नागरिकत्व सुधारणा कायदा (CAA) व राष्ट्रीय नागरिक नोंदणी (NRC)च्या विरोधात निदर्शनं करताना चिथावणीखोर भाषण करणारा ‘जेएनयू’चा विद्यार्थी शर्जील इमाम याच्या चौकशीतून धक्कादायक माहिती पुढं आली आहे. ‘शर्जील हा कट्टरतावादी विचारसरणीकडं झुकलेला असून भारत इस्लामी राष्ट्र व्हावं असं मानणाऱ्यांपैकी आहे,’ अशी कबुली त्यानं पोलिसांना दिल्याचं सूत्रांकडून समजतं.

सध्या शरजील इमाम पोलिसांच्या रिमांडमध्ये आहे. अनेक कट्टरपंथीच्या प्रभावाखाली शरजील असल्याने त्याला अटक झाल्याचा कोणताही पश्चाताप नाही असं पोलिसांनी सांगितले. पोलीस सुत्रांच्या माहितीनुसार शरजील इमाम हा धर्मासाठी कट्टर आहे. त्याला भारताला मुस्लिम राष्ट्र बनवायचं आहे. तसेच त्याचा जो व्हिडीओ व्हायरल होत आहे. त्यात कुठेही छेडछाड करण्यात आली नाही हे त्याने कबूल केलं आहे. सध्या त्याच्या व्हिडीओची तपासणी फॉरेन्सिक लॅबमध्ये केली जात आहे.

Delhi Police Sources: Interrogation has revealed that Sharjeel Imam is highly radicalized and believes that India should be an Islamic state, he has also admitted that no tampering has been done with the videos of his different speeches.

— ANI (@ANI) January 30, 2020

शरजीलचा मित्र इम्रानला ताब्यात घेण्यात आले असता चौकशी केली तेव्हा शरजीलच्या प्रेयसीची माहिती मिळाली. यानंतर पोलिसांनी तिला गाठून तिच्यावर दबाव निर्माण केला आणि शरजीलला भेटण्यासाठी तिला सांगितलं. शरजील आपल्या गर्लफ्रेंडच्या घरी तिला भेटायला जाताच पोलिसांनी त्याला अटक केली. या कारवाईत स्थानिक पोलिसही दिल्ली पोलिसांच्या गुन्हे शाखेच्या पथकासमवेत होते. शरजील इमामला अटक करणार्‍या पोलीस पथकाचे प्रमुख दिल्ली पोलिसांचे डीसीपी गुन्हे शाखा राजेश देव होते.

पोलिसांनी पहाटे ४ वाजता मुझम्मिलच्या घरावर छापा घालून त्याला ताब्यात घेतले. त्याच्या चौकशीनंतरच शारजीलचा थांगपत्ता लागल्याचे सांगण्यात आले. परंतु, शारजील स्वत: दिल्ली पोलिसांपुढे शरण आल्याचा दावा त्याच्या वकिलांनी केला आहे. दरम्यान, शरजीलला पाच दिवसांच्या पोलीस कोठडीत पाठवण्यात आले आहे.

Web Title:  India should be Islamic Country Sharjeels investigation reveals shocking information.