मुंबई: केंद्रीय मंत्री अनुराग ठाकूर यांनी दिल्ली विधानसभा निवडणुकीच्या प्रचारादरम्यान ‘देशातील गद्दारांना गोळ्या घातल्या पाहिजे’ असे वादग्रस्त वक्तव्य केले होते. त्यांच्या या वक्तव्यावरून एमआयएमचे अध्यक्ष व खासदार असदुद्दीन ओवैसी यांनी त्यांना फटकारले आहे. तसेच ‘तुम्ही मला गोळ्या घाला. त्यासाठी तुम्ही सांगाल त्या ठिकाणी मी यायला तयार आहे.’ असे आव्हान ओवैसी यांनी अनुराग ठाकूर यांना दिले आहे.

नागपाडा येथील झूला मैदान येथे व्हॉईस ऑफ इंडिया आयोजित कार्यक्रमात औवेसी म्हणाले, ‘मी तुला अनुराग ठाकूरला आव्हान देईन, मला देशातील कोणतीही जागा सांगा, जिथे तुम्ही मला गोळी घालाल आणि मी येण्यास तयार आहे. तुमच्या वक्तव्यामुळे माझ्या मनात भीती निर्माण होणार नाही कारण आमच्या माता-भगिनी मोठ्या संख्येने रस्त्यावर उतरल्या आहेत आणि त्यांनी देश वाचविण्याचा निर्णय घेतला आहे.

दिल्लीतील भारतीय जनता पक्षाचे उमेदवार मनीष चौधरी यांच्या प्रचारासाठी आयोजित करण्यात आलेल्या सभेत केंद्रीय राज्यमंत्री अनुराग ठाकूर यांनी वादग्रस्त घोषणा दिली होती. रिठला विधानसभा क्षेत्रात झालेल्या या सभेत भाषण करताना अनुराग ठाकूर यांनी ‘देश के गद्दारों को..’ अशी घोषणा केली. त्यानंतर सभेला उपस्थित असलेल्या कार्यकर्त्यांनी ‘गोली मारो *** को’ अशी घोषणाबाजी केली होती.

 

Web Title:  MIM President Asaduddin Owaisi challenges Union minister Anurag Thakur to Shoot him.

मला गोळ्या घाला, सांगाल त्या ठिकाणी मी यायला तयार; ओवेसींचं अनुराग ठाकूर यांना प्रतिउत्तर