नवी दिल्ली: काँग्रेसचे माजी अध्यक्ष राहुल गांधी यांनी आपण माफी मागणार नसल्याचं सांगितलं आहे. रेप इन इंडिया वक्तव्यावरुन राहुल गांधी यांच्यावर टीका करत भारतीय जनता पक्षाच्या खासदारांनी राहुल गांधी यांनी माफी मागावी अशी मागणी करत सभागृहात गदारोळ घातला होता. यावर बोलताना राहुल गांधी यांनी आपण कधीही त्यांची माफी मागणार नाही असं स्पष्ट केलं आहे.

पुढे बोलताना त्यांनी सांगितलं की, “माझ्या मोबाइलमध्ये एक व्हिडीओ क्लिप आहे ज्यामध्ये नरेंद्र मोदी दिल्लीला रेप कॅपिटल म्हणत आहेत. हा व्हिडीओ मी ट्विट करणार आहे जेणेकरुन सर्वांना पाहता येईल. भाजपा, नरेंद्र मोदी आणि अमित शाह ईशान्य भारत जाळत आहेत. त्या मुद्द्यावरुन लक्ष हटवण्यासाठीच नरेंद्र मोदी आणि भारतीय जनता पक्ष माझ्यावर आरोप करत आहेत”. दरम्यान सांगितल्याप्रमणे राहुल गांधी यांनी मोदींच्या जुन्या भाषणाचा व्हिडिओ प्रसिद्ध केल्याने मोदींसहित संपूर्ण भारतीय जनता पक्षचं तोंडघशी पडला आहे.

गेल्या काही दिवसांपासून ईशान्य भारत धगधगतो आहे. आर्थिक मंदी, बेरोजगारीचे प्रश्न आ वासून उभे आहेत. यावरुन लक्ष विचलित करण्यासाठी भारतीय जनता पक्षाकडून वाद निर्माण केला जात आहे. मात्र मी माझ्या विधानावर ठाम आहे. त्यामुळे माफी मागणार नाही, असं म्हणत राहुल यांनी त्यांची भूमिका स्पष्ट केली. नरेंद्र मोदींनी दिल्लीचा उल्लेख रेप कॅपिटल असा केला होता. त्यावर भाष्य करताना पंतप्रधान मेक इन इंडियाची भाषा करतात. मात्र जिथं पाहावं तिथं रेप इन इंडिया झाला आहे, असं मी म्हटलं होतं, अशा शब्दांमध्ये त्यांनी आपल्या विधानाचा पुनरुच्चार केला.

 

Web Title:  MP Rahul Gandhi Shared PM Narendra Modi Old Video where Narendra Modi used Word Rape Capital

 

#VIDEO: राहुल गांधींच्या एका व्हिडिओ पुराव्याने मोदींसहित संपूर्ण भाजप तोंडघशी