नवी दिल्ली : नरेंद्र मोदी कालच्या पत्रकार परिषदेवरून झालेल्या टीकेतून बाहेर येत नाहीत तो पर्यंत त्यांच्यावर पुन्हा जोरदार टीका करण्यात येत आहे. कारण केदारनाथ मंदिराला पंतप्रधान नरेंद्र मोदी यांनी आज भेट दिली. यावेळी त्यांनी दर्शन घेत ध्यानसाधना सुद्धा केली. त्यांच्या या ध्यानसाधनेची समाज माध्यमांमध्ये जोरदार खिल्ली उडवली जात आहे.

ध्यानसाधना एकांतात करायची असते, परंतु ध्यानसाधना करताना मोदींना तिथंसुद्धा फोटोग्राफर लागतो, अशा शब्दात अनेकांनी मोदींना टोमणे मारले आहेत. पंतप्रधान नरेंद्र मोदींनी केदारनाथ मंदिरात जाताना पारंपरिक पोषाख परिधान केला होता. तसेच त्यांच्यासाठी मंदिराच्या फरश्यांवर रेड कार्पेटसुद्धा अंथरण्यात आलं होतं.

विशेष म्हणजे मोदींचा पेहराव तसेच त्यांच्यासाठी अंथरलेलं रेड कार्पेट यामुळे देखील मोदींवर टीका होत आहे. त्यामुळे कालच्या पत्रकार परिषदेत एकाही प्रश्नाला उत्तर न दिल्यानं वादात सापडलेले नरेंद्र मोदी आजही अनेकांच्या निशाण्यावर आले.

केदारनाथला ध्यानसाधनेवेळी फोटोग्राफर व कॅमेरामन? ऐसा पंतप्रधान पुन्हा होणे नाही!