नवी दिल्ली: अमेरिका राष्ट्राध्यक्ष डोनाल्ड ट्रम्प हे भारत दौऱ्यावर येणार असल्याने अहमदाबाद पासून ते आगरा पर्यंत जोरदार तयारी करण्यात येत आहे. अहमदाबाद येथील रस्ते सुद्धा सजवण्यात आले आहेत. तर मोटेरा स्टेडिअम येथे डोनाल्ड ट्रम्प यांच्यासाठी एका कार्यक्रमाचे आयोजन सुद्धा करण्यात आले आहे. याच दरम्यान शुक्रवारी अहमदाबाद विमानतळावर डोनाल्ड ट्रम्प यांच्या सुरक्षिततेसाठी कडक बंदोबस्त करण्यात येणार आहे. तर आज विमानतळाच्या बाहेर मॉक ड्रिल सुद्धा झाले. ट्रम्प यांच्या दौऱ्यादरम्यान त्यांची सुरक्षितता पाहता अहमदाबाद विमानतळावरील अधिकाऱ्यांनी सर्व कर्मचाऱ्यांची दोन दिवसांची सुट्टी २४-२५ फेब्रुवारीला रद्द करण्यात आली आहे. पोलिसांना हे कर्मचारी ट्रम्प यांच्या दौऱ्यादरम्यान मदत करणार आहेत.
Ahmedabad Airport Director Manoj Gangal: Airport employees will be facilitated by the police authorities for travelling, based on their Aerodrome Entry Permits (AEPs); Advance leave of all kinds cancelled especially for 23rd and 24th February. https://t.co/6RtmwjpzUb pic.twitter.com/sna0uue87t
— ANI (@ANI) February 21, 2020
अमेरिकेचे राष्ट्राध्यक्ष डोनाल्ड ट्रम्प आणि त्यांच्या पत्नी मेलेनिया हे २४ आणि २५ फेब्रुवारी रोजी अहमदाबाद, आग्रा आणि नवी दिल्लीला भेट देणार आहेत. डोनाल्ड ट्रम्प यांच्या सन्मानार्थ ‘नमस्ते ट्रम्प’ कार्यक्रम अहमदाबादमधील मोटेरा स्टेडियमवर आयोजित करण्यात आला आहे.
अमेरिकेचे राष्ट्राध्यक्ष डोनाल्ड ट्रम्प यांच्या पत्नी मेलेनिया यांच्याबरोबर दिल्लीतील सरकारी शाळांच्या दौऱ्यात आता मुख्यमंत्री अरविंद केजरीवाल आणि उपमुख्यमंत्री मनीष सिसोदिया सहभागी होणार नाहीत. केंद्र सरकारने मुख्यमंत्री आणि उपमुख्यमंत्री यांचे नाव कार्यक्रमातून हटवल्याचा आरोप आपमधील सूत्रांनी केला आहे. नियोजित कार्यक्रमानुसार मेलेनिया ट्रम्प यांच्याबरोबर हे दोन्ही नेते दौऱ्यात सहभागी होते. परंतु, नाव हटवल्यानंतर या कार्यक्रमाशी आपला काही संबंध नसल्याचे सरकारने म्हटले आहे.
२५ फेब्रुवारी रोजी मेलेनिया दक्षिण दिल्लीतील सरकारी शाळेत हॅप्पीनेस क्लास पाहायला जाणार आहेत. ट्रम्प आणि मोदी यांची जेव्हा बैठक सुरु असेल. त्यावेळी मेलेनिया या शाळेत असतील. केजरीवाल सरकारने २०१८ मध्ये दिल्लीतील शाळांमध्ये हॅप्पीनेस क्लासची सुरुवात केली होती. हा क्लास नर्सरीते आठवीपर्यंतच्या विद्यार्थ्यांसाठी आहे. मुलांना मानसिक तणावापासून दूर ठेवणे हा यामागचा उद्देश आहे. हॅप्पीनेस क्लासच्या मदतीने मुलांच्या वर्तणुकीत सकारात्मक बदल दिसून आले आहेत.
Web Title: Story Delhi Chief Minister Arvind Kejriwal Manish Sisodia dropped from Melania Trump School Event.
