इस्राईल हे राष्ट्र असंख्य शत्रू राष्ट्रांनी घेरलेलं आहे, त्यांचे सगळे शेजारी म्हणजे त्यांचे कट्टर दुश्मन. त्यातल्याच १ म्हणजे “गाझा”. सध्या इस्राईल मध्ये निवडणुकीचे वारे आहेत आणि यादरम्यान इस्रायलची राजधानी तेल अविववर 2014 नंतर पहिल्यांदाच रॉकेटनं हल्ला करण्यात आला. इस्राईल ची राजधानी तेल अविववर ४ रॉकेट्स चा हल्ला करण्यात आला, त्यातील ३ रॉकेट इस्राईलच्या रॉकेट डिफेन्स सिस्टीमने निष्क्रिय केले.
त्याला प्रत्युत्तर म्हणून इस्राईलने हमासच्या 100 लष्करी तळांना टार्गेट केले आहे. हे एअर स्ट्राइक दक्षिणी गाझाच्या खान युनिस भागात करण्यात आलं आहे. हे ठिकाण गाझाच्या राजधानीपासून 25 किलोमीटर अंतरावर दक्षिणेकडे आहे. 9 एप्रिलला इस्रायलमध्ये निवडणुका आहेत, त्याच पार्श्वभूमीवर इस्रायल सेनेनं ही कारवाई केली आहे.
भारताने पाकिस्तान स्थित जैश ए मोहम्मदच्या बालाकोट येथील अतिरेकी तळावर केलेल्या एअर स्ट्राईक मध्ये इस्रायली शास्त्रांचा वापर करण्यात आला होता असे वृत्त आहे. भारताच्या संरक्षण मंत्रालयानं 54 इस्रायली HAROP ड्रोन खरेदीला मंजुरी दिली आहे आणि त्यामुळे भारत – इस्राईल संबंध अधिकच घनिष्ठ होण्यास मदत होईल.
