अमेरिका कोरोना लसची टेस्ट करण्याच्या अगदी जवळ - राष्ट्राध्यक्ष डोनाल्ड ट्रम्प

नवी दिल्ली, २४ एप्रिल: चीनच्या वुहानमधून सुरु झालेला कोरोना विषाणूच्या प्रार्दुभावामुळे आज जगातले अनेक देश लॉकडाऊन आहेत. इटली, स्पेन, जर्मनी, अमेरिका या देशांत या विषाणूचा तांडव सुरु आहे. अमेरिकेत तर या विषाणूचा कहर पाहायला मिळाला. गेल्या २४ तासांत अमेरिकेत कोरोना विषाणूमुळे मृत्युमुखी पडलेल्यांची संख्या ही ३ हजार १७६ आहे. येथे आतापर्यंत ५० हजार लोकांनी आपले प्राण गमावले असल्याची माहिती एएफपी वृत्तसंस्थेनं जॉन्स हॉपकिन्सच्या आकडेवारीनुसार दिली आहे.

दरम्यान डोनाल्ड ट्रम्प यांनी करोनावरील लस शोधण्याच्या अगदी जवळ असल्याची माहिती दिली आहे. “आम्ही लसची चाचणी करण्याच्या अगदी जवळ आहोत. जेव्हा चाचणी सुरु होते तेव्हा त्यासाठी बराच वेळ लागतो. पण आम्ही हे लवकरच पूर्ण करु,” असं डोनाल्ड ट्रम्प यांनी सांगितंल आहे. डोनाल्ड ट्रम्प व्हाइट हाऊसमध्ये आयोजित पत्रकार परिषदेत बोलत होते. यावेळी उपराष्ट्राध्यक्ष माइक पेन्स आणि व्हाइट हाऊसचे करोना व्हायरस टास्क फोर्सचे समन्वयक डेबोरा बीरेक्सही उपस्थित होते.

अमेरिकेचे संक्रमण रोग सल्लागार डॉ. अँथनी फौसी यांनी पूर्वी सांगितले की व्यापकपणे वापरासाठी लस मंजूर होण्यास १२ ते १८ महिने लागतील. बहुतेक आरोग्य तज्ञांचा असा विश्वास आहे की कोरोनावर लस तयार करण्यास किमान १२-१८ महिने लागू शकतात. अमेरिकेचे उपराष्ट्राध्यक्ष माईक पेन्स म्हणाले की कोरोना विषाणूविरूद्ध लढाईतील अमेरिकेची आकडेवारी प्रगतीची चिन्हे दर्शवित आहे. न्यूयॉर्क मेट्रो क्षेत्र, न्यू जर्सी, कनेक्टिकट, डेट्रॉईट आणि न्यू ऑर्लीयन्स यासह प्रमुख व्हायरस हॉटस्पॉट्सवरील संकट कमी होताना दिसत आहे. आमचा एकमेव निष्कर्ष म्हणजे आम्हाला यश मिळत आहे असं ते म्हणाले.

जगातील जवळपास २१० देशांमध्ये करोनाचा संसर्ग फैलावला आहे. अनेक देशांनी करोनाच्या संसर्गाला अटकाव करण्यासाठी लॉकडाउन जाहीर केला आहे. तर, अमेरिकेत पूर्णपणे लॉकडाउन जाहीर करण्यात आला नाही. मात्र, नागरिकांना घरात राहण्याचे आवाहन करण्यात आले आहे. जगभरात २७ लाख नागरिकांना करोनाची बाधा झाली असून मृत्यूची संख्या १ लाख ८० हजारांहून अधिक झाली आहे.

News English Summary: Donald Trump has said he is very close to finding a vaccine against coronavirus. “We are very close to testing the vaccine. It takes a long time when the test starts. But we will get it done soon, “said Donald Trump. Donald Trump was speaking at a press conference held at the White House. Also present were Vice President Mike Pence and Deborah Birex, coordinator of the White House Corona Virus Task Force.

News English Title: Story Corona virus Lockdown US President Donald Trump Says we are very Close to testing Covid 19 Vaccine.