BREAKING | ख्रिस गेलची कोरोना टेस्ट निगेटिव्ह | IPL'मध्ये खेळणे तळ्यात मळ्यात

जमैका, 25 ऑगस्ट : जमैकाचा जगातील सर्वोत्तम धावपटू उसेन बोल्टला करोनाची बाधा झाली आहे. बोल्टने नुकताच त्याचा ३४वा वाढदिवस सुरक्षित अंतराचे कोणतेही नियम न पाळता मित्रमंडळींसोबत साजरा केला होता. त्यानंतरच बोल्टला करोना झाल्याचे सिद्ध झाले आहे. बोल्टच्या त्या वाढदिवसाच्या पार्टीत इंग्लंडचा अव्वल फुटबॉलपटू रहिम स्टर्लिगदेखील उपस्थित होता. बोल्टच्या वाढदिवसाच्या पार्टीत मोठय़ा संख्येने त्याची मित्रमंडळी उपस्थित होती आणि एकत्र जल्लोष करत होती. सध्या बोल्ट स्वयं-विलगीकरणात आहे.

धक्कादायक म्हणजे या पार्टीची धग आता आयपीएललाही बसणार असून क्रिकेटर ख्रिस गेल (Chris Gayle) या पार्टीला हजर होता. उसेन बोल्टच्या पार्टीला फुटबॉलर रहीम स्टर्लिंग आणि लियॉन बैली देखील आले होते. याशिवाय अन्य बड्या हस्तीदेखील उपस्थित होत्या. बोल्ट कोरोना पॉझिटिव्ह आल्याने त्याला सेल्फ आयसोलेशनमध्ये ठेवण्यात आले आहे. बोल्ट याच्या 34 व्या वाढदिवसाचे फोटो सोशल मिडीयावर कमालीचे व्हायरल झाले होते. या पार्टीमध्ये आलेले पाहुणे सोशल डिस्टंसिंग सोडा मास्क न लावता नाचत-गात होते. बोल्टने पार्टीनंतर ‘बेस्ट बर्थडे एव्हर’ असे ट्वीटही केले होते.

Best birthday ever 🙏🏿 pic.twitter.com/gf16igLFjA

— Usain St. Leo Bolt (@usainbolt) August 22, 2020

बोल्ट कोरोना पॉझिटिव्ह आल्यानंतर गेलने कॅरेबिअन प्रीमियर लीगमध्ये न खेळण्याचा निर्णय घेतला आहे. मात्र, आयपीएलमध्ये गेल किंग्स इलेव्हन पंजाबचा महत्वाचा खेळाडू आहे. यामुळे कोरोनामुळे त्याच्या संघातील समावेश किंवा स्पर्धेतील खेळण्यावर प्रश्नचिन्ह लागले होते. गेलची पहिली चाचणी निगेटिव्ह आल्याने काहीसा दिलासा मिळाला असून गेलची पुन्हा कोरोना चाचणी करण्यात येणार आहे.

News English Summary: If Gayle was tested positive for the novel coronavirus, his chances of travelling to UAE to play for Kings XI Punjab would have been compromised. But, the swashbackling batsman took to social media to announce that he has been tested negative twice.

News English Title: Cricket Dream11 IPL 2020 big blow kings XI Chris Gayles corona test negative says sorry News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.