सावंतवाडी नगराध्यक्षपदाच्या निवडणुकीत सेनेला धूळ चारत भाजपने असा जल्लोष केला

सावंतवाडी: एकीकडे मुंबईत नव्या ठाकरे सरकारच्या पहिल्या वहिल्या मंत्रिमंडळ विस्ताराची जोरदार तयारी सुरू असताना तिकडे कोकणात भाजपनं शिवसेनेला जोरदार धोबीपछाड दिली आहे. कोकणातल्या सावंतवाडीमध्ये झालेल्या नगराध्यक्षपदाच्या निवडणुकीत भाजपच्या संजू परब यांनी शिवसेनेच्या बाबू कुडतरकर यांचा तब्बल ३०९ मतांनी पराभव करत दणदणीत विजय मिळवला . या विजयानंतर भाजपच्या गोटामध्ये जोरदार जल्लोष करण्यात आला.

pic.twitter.com/wMcpdcTW1d

— nitesh rane (@NiteshNRane) December 30, 2019

सावंतवाडी नगराध्यक्षपदासाठी रविवारी मतदान झाले. या नगराध्यक्ष पदाच्या निवडणुकीत तब्बल ६ उमेदवार निवडणुकीच्या रिंगणात उतरले होते. यामध्ये भाजपच्या बंडखोर अपक्ष उमेदवार अन्नपूर्णा कोरगावकर, भाजपचे अधिकृत उमेदवार सच्चिदानंद उर्फ संजू परब, महाविकास आघाडीचे खेमराज उर्फ बाबु कुडतरकर, काँग्रेसचे ॲड. दिलीप नार्वेकर, बबन साळगावकर, अमोल साटेलकर हे निवडणूक लढवत होते.

मागील अनेक वर्षांपासून इथे शिवसेनेचाच नगराध्यक्ष होता. मुळात दीपक केसरकर यांचा हा गड मानला जात होता. त्यामुळे दीपक केसरकर विरूद्ध नारायण राणे अशा प्रतिष्ठेच्या ठरलेल्या या लढतीमध्ये भाजपची सरशी झाली आणि सावंतवाडीचं नगराध्यक्षपद शिवसेनेच्या हातून निसटलं. सावंतवाडी येथील जिमखाना परिसरात आज मतमोजणी झाली.

मुळात कोकणच्या विकासात केसरकर यांचा काहीच वाटा नसून ते केवळ राणे कुटुंबियांवर आरोप आणि टीका करून स्वतःची राजकीय पोळी भाजत असल्याचं कोकणात सर्वश्रुत आहे. शिवसेनेकडे देखील दुसरा पर्याय नसल्याने केसरकरांचं फावत असल्याचं स्थानिक शिवसैनिकांना वाटतं आहे. त्यामुळे ते पुन्हा तोच एक कलमी कार्यक्रम पुन्हा ५ वर्ष सुरु ठेवतील अशीच स्थानिक लोकांची धारणा झाली आहे. दरम्यान, मंत्रिपदाकडे डोळे लावून बसलेल्या दीपक केसरकारांचा मंत्रिमंडळ वाटपात देखील पत्ता कट झाला आहे.

Web Title:  BJP celebrate after victory at Sawantwadi Nagaradhyaksha Election against Shivsena.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.