27 September 2020 5:22 PM
अँप डाउनलोड

कृष्णा आणि वारणा नदीच्या पाणीपातळीत मोठी वाढ झाल्याने सांगलीत पुराचा धोका

Danger of flood, Sangli, water level of Krishna and Warna rivers

सांगली, ६ ऑगस्ट : जिल्ह्यात दमदार पाऊस पडत आहे. कृष्णा आणि वारणा नदीच्या पाणीपातळीत मोठी वाढ झाली आहे. सांगली जवळ कृष्णा नदीची पाणीपातळी २० फूट इतकी झाली आहे. त्यामुळे सांगलीत पुराचा धोका कायम आहे. दरम्यान, मुसळधार पडणाऱ्या पावसामुळे वारणा धरण ८१ टक्के भरले आहे.

BhagyaVivah Marathi Matrimonial

शिराळा तालुक्यातील चांदोली परिसरात मुसळधार पाऊस कोसळत असल्याने वारणा धरणाच्या पाणीपातळीत वाढ होत आहे. वारणा नदीच्या पाणीपातळीत वाढ होत असून, काखे मांगले आणि कोकरूड रेठरे पुल पाण्याखाली गेले आहेत. पावसाचा जोर कायम राहिल्यास कोणत्याही क्षणी वारणा धरणातून पाण्याचा विसर्ग सुरु केला जाऊ शकतो, त्यामुळे वारणा नदी काठच्या ग्रामस्थांनी सावधानतेचा इशारा देण्यात आला आहे.

मंगळवारी रात्रीपासून बुधवारी सायंकाळपर्यंत पावसाची संततधार चालूच होती. ढगांची दाटी कायम असून भारतीय हवामान खात्याच्या अंदाजानुसार आणखी दोन दिवस पावसाचा जोर कायम राहणार असून त्यानंतर जोर कमी होणार आहे.

बुधवारी सकाळी आठ वाजेपर्यंत नोंदल्या गेलेल्या चोवीस तासातील आकडेवारीनुसार जिल्ह्यात सरासरी २५.४३ मिलिमीटर पाऊस झाला. मिरज तालुक्यात २९.९, तासगावमध्ये १८, कवठेमहांकाळमध्ये १४.४, वाळवा-इस्लामपूरमध्ये २९, शिराळ्यात ७९.७, कडेगावमध्ये ३0, पलूसला २0.८, खानापूर-विटा येथे १३.६, आटपाडीत १.७, जतमध्ये ४.३ मिलिमीटर पाऊस झाला आहे.

वारणा धरणात सध्या २६.३३ म्हणजेच ७६.५२ टक्के पाणीसाठा झाला असून कोयना धरणात ६0.२८ म्हणजेच ५७.२७ टक्के पाणीसाठा आहे. वारणा धरणातून ९५0 क्युसेकने विसर्ग सुरू आहे.

 

News English Summary: It is raining heavily in the district. The water levels of Krishna and Warna rivers have risen sharply. The water level of Krishna river near Sangli has risen to 20 feet. Therefore, the risk of floods in Sangli remains.

News English Title: Danger of flood in Sangli big increase in water level of Krishna and Warna rivers News Latest Updates.

महत्वाची सूचना: कोरोना आपत्तीत सतर्क राहणं कधीही चांगलं आणि त्यासाठीच आपत्कालीन परिस्थितीत सर्व माहिती देणारं अँप सोबत असणं देखील गरजेचं आहे. म्हणून आत्ताच डाउनलोड करा... महाराष्ट्रनामा कोरोना डॅशबोर्ड.

Download App Now
Download Corona Dashboard App

हॅशटॅग्स

#Raining(23)

संबंधित बातम्या

राहुन गेलेल्या बातम्या

x