किरीट सोमय्यांना शॉक देण्याची गरज | त्यांच्या डोक्यावर परिणाम झालाय - गुलाबराव पाटील

जळगाव, १३ नोव्हेंबर : भारतीय जनता पक्षाचे नेते किरीट सोमय्या (BJP Former MP Kirit Somaiya) यांच्या डोक्यावर परिणाम झाला आहे. शॉक दिल्याशिवाय त्यांची बेताल बडबड थांबणार नाही अशी घणाघाती टीका शिवसेना नेते गुलाबराव पाटील यांनी केली आहे. राज्याचे पाणी पुरवठा मंत्री आणि शिवसेना नेते गुलाबराव पाटील यांना किरीट सोमय्यांनी अन्वय नाईक प्रकरणावरुन (Anvay Naik Suicide Case) शिवसेनेवर केलेल्या आरोपांबाबत जेव्हा प्रतिक्रिया विचारली तेव्हा गुलाबराव पाटील यांनी हे वक्तव्य केलं आहे.

जळगाव शहरात एका कार्यक्रमाच्या निमित्ताने मंत्री गुलाबराव पाटील (Minister Gulabrao Patil) आले होते. त्यावेळी त्यांनी पत्रकारांशी संवाद साधला. वास्तुरचनाकार अन्वय नाईक यांच्या आत्महत्या प्रकरणात नुकतीच ‘रिपब्लिक टीव्ही’चे मालक, संपादक अर्णव गोस्वामी यांना अटक करण्यात आली होती. अर्णव यांच्या अटकेनंतर भारतीय जनता पक्षानं ठाकरे सरकारला विशेषत: शिवसेनेला लक्ष्य केलं आहे. किरीट सोमय्या यांनी ठाकरे आणि नाईक कुटुंबामध्ये मोठ्या प्रमाणावर जमिनीचे व्यवहार झाल्याचा गौप्यस्फोट केला होता. यावरून गुलाबराव पाटील यांनी सोमय्या यांच्यावर कठोर शब्दांत टीका केली.

News English Summary: BJP leader Kirit Somaiya has been hit in the head. Shiv Sena leader Gulabrao Patil has sharply criticized that his nonsense will not stop without giving a shock. Gulabrao Patil made the statement when asked by Kirit Somaiya about the allegations leveled against him by Kirit Somaiya in the Anvay Naik Suicide Case.

News English Title: Minister Gulabrao Patil criticized BJP former MP Kirit Somaiya News updates.