नाशिक महागरपालिकेचे तब्बल ६०-७० कोटी YES बँकेत अडकले; प्रशासनाची पंचायत

नवी दिल्ली: रिझर्व्ह बँकेनं येस बँकेवर निर्बंध घातले आहेत. या निर्बंधांमुळे खातेधारकांना महिन्याभरासाठी ५० हजार रुपयांपर्यंत रक्कम काढता येणार आहेत, मात्र त्यापेक्षा अधिक रक्कम खात्यातून काढायची असल्यास रिझर्व्ह बँकेची विशेष मंजुरी घ्यावी लागणार आहे. केवळ अपवादात्मक परिस्थितीत खातेधारकांना पैसे काढता येणार आहेत.

५० हजारांपेक्षा जास्त रक्कम काढायची असल्यास खातेदारांना RBI ची मंजुरी घ्यावी लागणार आहे. खातेदारांना वैद्यकीय उपचार, विदेशी शिक्षण आणि लग्न या तीन कारणांसाठीच ५० हजारांपेक्षा जास्त रक्कम काढता येईल. मात्र RBI ची मंजुरी त्यासाठी घेणं बंधनकारक असणार आहे. YES बँकेवर कर्जाचा बोजा वाढत चालला आहे. त्यामुळे बँकेची आर्थिक परिस्थिती वाईट झाली. भारतीय स्टेट बँक आणि इतर आर्थिक संस्था YES बँकेला या संकटातून बाहेर काढू शकतात, अशी माहिती सूत्रांनी गुरुवारी (5 मार्च) दिली. एसबीआयला यासाठी केंद्राकडून परवानगी देण्यात आल्याचंही सूत्रांनी सांगितलं होतं.

मात्र याचा त्रास केवळ सामान्य लोकांना नसून तर खुद्द नाशिक महानगरपालिकेची आर्थिक कोंडी झाल्याचं वृत्त आहे. नाशिक महानगरपालिकेचे तब्बल ६० ते ७० कोटी रुपये YES बँकेत अडकल्याने प्रशासनाची आणि सत्ताधारी भाजपाची देखील पंचायत झाल्याचं समोर आलं आहे. त्यामुळे नाशिक महापालिका प्रशासन हा विषय कसा हाताळणार ते पाहावं लागणार आहे.

News English Summery: Not only the general public but also the Nashik Municipal Corporation is reported to be financially depressed. Nashik Municipal Corporation’s Rs 60-70 crore YES bank has become a Panchayat of the administration and the ruling BJP too. Therefore, the Nashik Municipal Administration will have to see how it will handle the issue.

Web News Title: Story Nashik Municipal corporation fund hang into Yes Bank.