केजरीवालांवर हल्ल्याचा कट? तरुणाकडे पिस्तुलातील जिवंत काडतूस

नवी दिल्ली : दिल्‍लीचे मुख्यमंत्री अरविंद केजरीवाल यांच्यावर काही दिवसांपूर्वी कार्यालयाजवळ धक्काबुक्की करत एका इसमाने मिरची पूड फेकल्याचं असफल प्रयत्न केला होता. ते संपूर्ण प्रकरण ताज असताना आत केजरीवालांच्या जनता दरबारातून एका तरुणाला अटक करण्यात आली आहे. धक्कादायक म्हणजे या तरुणाकडे पिस्तुलातील जिवंत काडतूस सापडल्याने त्याला पोलिसांनी ताबडतोब अटक करून चौकशी सुरु केली आहे.

तसेच हाती आलेल्या वृत्तानुसार, वय वर्ष ३९ असलेल्या मोहम्मद इमरान नामक इसमाने नक्की काय डाव आखला होता त्याची पोलिसांनी चौकशी सुरु केली आहे. तपासणीदरम्यान सुरक्षे रक्षकांना त्याच्या खिशात जिवंत पिस्तुल गोळी सापडली आणि त्याठिकाणी एकच खळबळ उडाली. त्याच्यासोबत १२ अन्य इमाम आणि मौलवी सुद्धा उपस्थित होते.

हे सर्व लोकं दिल्ली वक्फ बोर्डमधील कर्मचाऱ्यांची खोळंबलेली पगारवाढ करावी अशी शिफारस करण्यासाठी केजरीवालांच्या जनता दरबारात गेले होते असे वृत्त आहे. परंतु, या प्रकरणामुळे दिल्लीच्या मुख्यमंत्र्यांच्या सुरक्षेबाबत अनेक प्रश्न चिन्हं उपस्थित होत आहेत.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.