पुणे महापालिका | कोरोनाने घरी मृत्यू झाल्यास नातेवाईकच अंत्यसंस्कार करतील

पुणे, ०१ एप्रिल: कोरोना रुग्णांच्या संदर्भात पुणे महानगरपालिकेनं एक नवा नियम आणला आहे. त्यानुसार घरात उपचार घेताना एखाद्या कोरोना रुग्णाचा मृत्यू झाला, तर कुटुंबीयांनाच सर्व नियम पाळून त्यांच्या मृतदेहावर अंत्यसंस्कार करावे लागणार आहेत. त्यासाठीची सर्व प्रक्रिया नातेवाईकच पूर्ण करतील. फक्त गाडीची सुविधा पुरवली जाईल. महापालिकेच्या या नव्या नियमाची माहिती एका वृत्तामुळे समोर आली आहे.

पहिल्या लाटेत कोरोनामुळं मृत्यू झालेल्यांच्या कुटुंबीयांना तर आपल्या जवळच्या व्यक्तीचा चेहरा पाहण्याची संधीही मिळत नव्हती. कोरोनाचे संक्रमण होऊ नये म्हणून रुग्णालयातील कर्मचारीच अंत्यसंस्कारही करत होते. अगदी कुटुंबातील मोजक्या तीन-चार जणांनाच अंत्यसंस्कारासाठी जाता येत होतं. मृतदेहामुळं अंत्यविधीदरम्यान कोणाला संसर्ग होऊ नये हा त्यामागचा हेतू होता. पण कोरोनाची स्थिती जशी-जशी बदलत आहे त्यानुसार नियमांमध्येही वेगवेगळे बदल होत असल्याचे पाहायला मिळत आहे.

दरम्यान, देशात कोरोना रुग्णांची संख्या दिवसेंदिवस वाढत आहे. यात महाराष्ट्र सर्वात पुढे असून, राज्यात लॉकडाऊन लागणार अशा चर्चा मागील काही दिवसांपासून सुरू आहेत. या पार्श्वभूमीवर राज्याचे आरोग्यमंत्री राजेश टोपे यांनी एका वृत्त वाहिनीशी संवाद साधला. यावेळी त्यांनी लॉकडाउनबाबत मोठे विधान केले आहे.

यावेळी बोलताना राजेश टोपे म्हणाले की, राज्यात सध्या तरी लॉकडाऊन करण्याचा निर्णय घेण्यात आलेला नाही. पण, त्या दिशेनेच वाटचाल सुरू आहे. पण याचा अर्थ राज्यात लॉकडाऊन लागेलच, असा नाही. पण सरकारला तशी तयारी करुन ठेवणे हे गरजेचे आहे, असे टोपे म्हणाले. यावेळी राजेश टोपे यांनी राज्यातील नागरिकांनी सोशल डिस्टन्सिंग आणि मास्क घालण्याच्या नियमांचे तंतोतंत पालन करण्याचे आवाहन केले.

News English Summary: Pune Municipal Corporation has brought a new rule regarding corona patients. According to him, if a corona patient dies while undergoing treatment at home, the family members will have to follow all the rules and cremate his body. Relatives will complete all the procedures for that. Only car facility will be provided. Information about this new rule of NMC has come to light due to a report.

News English Title: Pune Municipal Corporation has brought a new rule regarding corona patients news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.