नेरुळमधील सीहोम्स इमारतीला भीषण आग, ७ जवान जखमी

नवी मुंबई: काळचौकी परिसरातील एका इंडस्ट्रीयल इस्टेटमध्ये आग लागल्याची घटना ताजी असताना, नवी मुंबईतही एका टॉवरमध्ये आग लागल्याची घटना घडली आहे. नवी मुंबईत नेरुळच्या सीवूड सेक्टर ४४ मध्ये एका टॉवरमध्ये शनिवारी सकाळी ६.३० च्या सुमारास आग भडकली होती. त्यांना उपचारासाठी वाशी येथील एमजीएम रुग्णालयात दाखल करण्यात आले आहे.

Navi Mumbai: Fire breaks out at high-rise apartment building at Sector 44 Nerul Seawoods; Fire tenders present at the spot. #Maharashtra pic.twitter.com/NIiK8c7kLe

— ANI (@ANI) February 8, 2020

नेरुळमधील सीवूड्स सेक्टर ४४ मधील सी होम्स या इमारतीच्या १८ व्या आणि १९ मजल्यावर आग लागली. घटनेची माहिती मिळताच अग्निशमन दलाच्या एकूण ६ गाड्या घटनास्थळी तातडीने रवाना झाल्या. परंतु, ही आग मोठी असल्याने ती विझवणे जिकिरीचे धाले होते. इमारत गगनचुंबी असल्याने ही आग वेगाने पसरत होती. उंचीवरील आग विझवताना अनेक अडथळे येत असल्याने यात शर्थीचे प्रयत्न करणारे अग्निशमन दलाचे ७ जवान जखमी झाले. अखेर ३ तासांनंतर, म्हणजेच १०.३० वाजण्याच्या सुमारास ही आग आटोक्यात आली.

Navi Mumbai: Fire fighting operation underway at high-rise apartment building at Sector 44 Nerul Seawoods. #Maharashtra https://t.co/F4hAHKWJY0 pic.twitter.com/bKpCPlzMQD

— ANI (@ANI) February 8, 2020

अग्निशमन दलाच्या गाड्या आणि ५० ते ६० जवान घटनास्थळी अजून तळ ठोकून आहे. छुटपूट आग विझवण्याचे काम अद्यापही सुरू आहे. सकाळी ही आग लागली असून सुदैवाने कोणतीही जीवितहानी झालेली नाही. रहिवाशांना इमारतीतून खाली आणण्यात आले आहे.

Web Title: Fire in high rise building in Seawoods of Navi Mumbai city 7 Fire fighter Jawans of Fire Brigade got Injured.