खराब आर्थिक स्थितीतही पगाराबाबत अनेक कंपन्यांकडून गुड न्यूज...नक्की वाचा

नवी दिल्ली, ५ मे: कोरोनाच्या वाढत्या प्रादुर्भावाचा परिणाम देशाच्या अर्थचक्रावर होत असतानाच बहुसंख्या कंपन्यांनी कर्मचाऱ्यांचे वेतन आणि बोनस कापण्याचा निर्णय घेतला आहे. अशा प्रतिकूल परिस्थितीतही एफएमसीजी आणि ग्राहकोपयोगी वस्तूंची निर्मिती करणाऱ्या काही कंपन्यांनी मात्र कर्मचाऱ्यांचे मनोबल उंचावण्यासाठी वेतनात आणि बोनसमध्ये वाढ करण्याचा निर्णय घेतला आहे. ही वाढ गेल्या वर्षभरातील (मार्चपासून एप्रिलपर्यंत) असल्याचेही कंपन्यांनी स्पष्ट केले आहे.

कर्मचाऱ्यांचे वेतन आणि बोनस वाढविणाऱ्या कंपन्यांमध्ये हिंदुस्थान युनिलिव्हर, नेस्ले, हिंदुस्थान कोका कोला बेव्हरेजेस, सॅमसंग, व्हर्लपूल आणि एलजीसह अनेक मोठ्या कंपन्यांचा समावेश आहे. ज्या वेळी सर्व कंपन्या करोनामुळे निर्माण झालेल्या परिस्थितीमुळे नुकसान झेलत असतानाच या कंपन्यांनी आपल्या कर्मचाऱ्यांच्या वेतनात आणि बोनसमध्ये वाढ करण्याचा निर्णय घेतला आहे. बऱ्याच कंपन्यांनी कर्मचाऱ्यांच्या वेतनात कपात केली असून, अनेक कंपन्यांनी काही प्रमाणात कर्मचारीही कमी केले आहेत.

दरम्यान, अनेकांच्या मनात यंदा पगारवाढ होणार की नाही?, हा प्रश्न अजूनही घुटमळत आहे. कंपन्यांनी यासंदर्भात काय धोरणं ठरवलं आहे, याविषयी ‘केजीपीएम’नं पाहणी केली. पगारवाढ विषयक असलेल्या पाहणीचा अहवाल प्रसिद्ध झाला आहे. केजीपीएमनं केलेल्या ‘कटिंग थ्रू क्राइसिस’ या सर्वेक्षणात काही महत्त्वाच्या बाबी नमूद करण्यात आलेल्या आहेत. यातील पहिली गोष्ट म्हणजे लॉकडाउननंतर निर्माण झालेल्या परिस्थितीला तोंड देण्यासाठी कंपन्यांनी नवीन कर्मचाऱ्यांची भरती न करण्याचा निर्णय घेतला आहे.

केजीपीएमनं आपल्या अहवालात म्हटलं आहे की, जगातील ५० टक्के कंपन्यांनी वेतनवाढीसाठी तयार केलेल्या बजेटमध्ये कोणताही बदल केलेला नाही. तर दुसरीकडं ३६ टक्के कंपन्यांनी त्यांच्या वेतनवाढीच्या बजेटमध्ये कपात केली आहे. भारतातील ७० टक्के कंपन्यांनी व्यवस्थापकीय विभागाशी संबंधित नसलेल्या आणि कनिष्ठ व्यवस्थापन स्तरावरील कर्मचाऱ्यांच्या पगारात कोणताही बदल न करण्याचा निर्णय घेतला आहे. करोनाचं संकट कायम राहिल्यास भविष्यात २२ टक्के कंपन्या कर्मचाऱ्यांना दिले जाणारे भत्ते कमी करू शकतात. या निर्णयाचा परिणाम कर्मचाऱ्यांच्या पगारावरच होणार आहे.

News English Summary: The KGPM said in its report that 50 per cent of the world’s companies have not made any changes in their budgets for pay hikes. On the other hand, 36 per cent of companies have cut their wage budgets. About 70 per cent of companies in India have decided not to make any changes in the salaries of non-management and junior management employees.

News English Title: Story many firms across industries keeping salary hike budgets unchanged amid pandemic News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.