राज्य पोलीस भरती | उर्दूत ट्विट | मलिक यांना रस फक्त अल्पसंख्यांच्या ट्रेनिंगमध्ये?

मुंबई, २० ऑगस्ट : राज्यात पोलीस दलात दोन-चार हजार नव्हे तर १२ हजार ५३८ पदे भरण्यात येणार आहेत. सप्टेंबरपर्यंत ही पदे भरण्यात यावीत, असे आदेशच गृहमंत्री अनिल देशमुख यांनी गृहविभागाला दिले होते. त्यामुळे राज्यात येत्या काही दिवसांत पोलीस भरती प्रक्रियेला सुरुवात होणार आहे.

गृहमंत्री अनिल देशमुख यांनी गृहविभागाच्या अधिकाऱ्यांसोबत मंत्रालयात एक महत्त्वाची बैठक घेतली होती. त्या बैठकीत पोलीस दलातील १२ हजार ५३८ विविध पदे तातडीने भरण्याचे आदेश देशमुख यांनी दिले होते. डिसेंबर महिन्याच्या अखेरपर्यंत ही भरती प्रक्रिया पूर्ण करण्याचे आदेशही त्यांनी दिले होते. या बैठकीला गृहविभागाचे मुख्य सचिव सीताराम कुंटे, अपर मुख्य सचिव डॉ. संजय चहांदे, अर्थ विभागाचे प्रधान सचिव नितीन गद्रे, पोलीस महासंचालक सुबोध जयस्वाल, विशेष प्रधान सचिव अमिताभ गुप्ता आणि इतर प्रशासकीय अधिकारी उपस्थित होते. स्वत: देशमुख यांनी ट्विट करून ही माहिती दिली होती.

मंत्रालयात गृह विभागाच्या अधिकाऱ्यांसोबत झालेल्या बैठकीत राज्य पोलीस दलात विविध पदांवर जवळपास १२,५३८ पदांची भरती तातडीने करण्याच्या सूचना संबंधितांना दिल्या आहेत. डिसेंबर महिन्याच्या अखेर पर्यंत ही प्रक्रिया पूर्ण केली जाईल. या बैठकीत गृह विभागाचे मुख्य सचिव सीताराम कुंटे, (१/२) https://t.co/ZBvz3FVqs4

— ANIL DESHMUKH (@AnilDeshmukhNCP) July 17, 2020

मात्र सध्या समाज माध्यमांवर आणि विशेष करून व्हाटसअँप’वर याच भरतीसाठी इच्छुक उमेदवारांकडून एक मेसेज व्हायरल होतं असून त्यामध्ये महाविकास आघाडीतील मंत्री नवाब मलिक यांच्याबद्दल संताप व्यक्त होताना दिसत आहे. त्याचं कारण देखील तसंच आहे….कारण मंत्री नवाब मलिक यांनी याच राज्यस्तरीय पोलीस भरती संदर्भात उर्दू भाषेत एक ट्विट केलं असून त्यामध्ये केवळ अल्पसंख्यांक इच्छुक उमेदवारांसाठीच पोलीस भरती पूर्व ट्रेनिंग देण्यात येणार असल्याचं म्हटलं आहे. वास्तविक ते राज्य सरकारमधील जवाबदार मंत्री असून त्यांनी सरसकट सर्वच इच्छुक उमेदवारांसाठी सदर ट्रेनिंग देणं गरजेचं आहे. मात्र सरकारी भरती प्रक्रियेत देखील विशिष्ट समाजासाठीच हेतूपुरस्कर अशी योजना देण्याचे कारण काय असा प्रश्न उपस्थित होऊ लागला आहे.

اقلیتی نوجوانوں کو پولیس بھرتی سے قبل تربیت دی جائے گی

Minority youths to be trained before police recruitment. pic.twitter.com/srqJcVVC4H

— Nawab Malik نواب ملک नवाब मलिक (@nawabmalikncp) August 16, 2020

News English Summary: This is because Minister Nawab Malik has sent a tweet in Urdu regarding this state level police recruitment, in which he has said that pre-recruitment training will be given only for the aspiring minority candidates.

News English Title: Minority youths to be trained before Maharashtra Police Recruitment Minister Nawab Malik News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.