भाजप नेते दलितांच्या घरी जाताना हॉटेलमधील जेवण, भांडी व पाणी घेऊन गेले

लखनऊ : नरेंद्र मोदींचे दलितांसोबत राहण्याचे आदेश भाजपची नेते मंडळी पाळत आहेत खरी पण त्यातून सुद्धा त्यांची अस्पृश्यता दिसून येत आहे. कारण दलितांच्या घरी जाताना आमदार स्वतःसोबत चक्क हॉटेल मधील जेवण व भांडी घेऊन जात आहे आणि पळवाट काढून दलितांना आणि स्वतःच्याच वरिष्ठ नेत्यांना मूर्ख बनवत आहेत.

सध्या देशात दलितांमध्ये भाजप विरोधी वातावरण आहे. तोच द्वेष आणि राग कमी करण्यासाठी पंतप्रधान नरेंद्र मोदी यांनी भाजप नेत्यांना दलित वस्त्यांमध्ये आणि घरी जाऊन काही काळ वास्तव करण्याचे आदेश दिले. पण भाजपचे नेते आणि कार्यकर्ते कशी पळवाट काढत ते समोर आले आहे.

उत्तर प्रदेशातील एका मंत्री आणि आमदाराने अशी पळवाट काढली की सर्वजण थक्क होऊन गेले आहेत. उत्तर प्रदेश सरकारचे मंत्री सुरेश राणा हे सोमवारी रात्री रजनीश कुमार या दलित व्यक्तीच्या घरी जेवायला गेले होते. ते दलित व्यक्तीच्या घरी राहायला गेले पण जाताना सोबत हॉटेलमधील जेवण आणि भांडी सुद्धा घेऊन गेले होते. रजनीश कुमार यांनी ‘द टाइम्स ऑफ इंडिया’ला दिलेल्या माहितीनुसार, मंत्री सुरेश राणा आणि भाजपाचे नेते आम्हाला न कळवताच घरी येऊन धडकले. तसेच मला घरी थांबण्यास सांगितले होते. त्यांनी रात्रीचे जेवण बाहेरून मागविले होते असं रजनीश कुमार यांनी सांगितलं.

मंत्री सुरेश राणा यांनी हॉटेल मधून मागविलेल्या जेवणात दाल मख्खनी, मटार पनीर, पुलाव, तंदुरी रोटी आणि गुलाब जामून असं उत्तम मेनू होता. इतकंच नाही तर पिण्याचे पाणी आणि भांडी सुद्धा मंत्री महोदयांनी बाहेरून मागविली होती. सुरेश राणा यांनी हे सर्व आरोप फेटाळले आहेत. मी स्वतः हॉलमध्ये बसून रजनीश यांच्या घरात बनवलेले जेवण आवडीने खाल्ले आहे असं त्यांनी स्पष्ट केलं आहे. परंतु प्राप्त झालेले फोटो बरंच काही सांगून जातात.

Lohagadh(Aligarh): Rajnish Kumar, Dalit man at whose house UP Minister Suresh Rana had dinner yesterday says, ‘I didn’t even know they are coming for dinner,they came suddenly.All food.water and cutlery they had arranged from outside’ pic.twitter.com/TIXMVtV825

— ANI UP (@ANINewsUP) May 2, 2018

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.