अन्वय नाईक आत्महत्या | पूर्वीच्या चौकशी अहवालातील त्रुटी अर्णबसाठी कायदेशीर पळवाट?

मुंबई, ०५, नोव्हेंबर: Republic TV’चे मुख्य संपादक अर्णब गोस्वामी यांना काल मुंबईत त्यांच्या राहत्या घरी झालेल्या अटकेरून ठाकरे सरकारवर आणीबाणी लादल्याचे आणि हुकूमशाहीचे आरोप विरोधकांकडून करण्यात आला. ‘अर्णब गोस्वामी यांस २०१८ मधील एका अत्यंत खासगी प्रकरणात अटक झाली आहे.

अर्णब गोस्वामी (Republic TV Editor in Chief Arnab Goswami) यांच्या अटकेचा भारतीय जनता पक्षाने तीव्र निषेध केला आहे. तसेच समाज माध्यमांच्या माध्यमातून देखील यावेळी ठाकरे सरकारवर जोरदार टीका केल्याचं पाहायला मिळालं आहे. दरम्यान काल अर्णब यांना बुधवारी अलिबाग येथील (Alibaug Court) मुख्य न्यायदंडाधिकारी यांच्या कोर्टासमोर हजर करण्यात आले. त्यादरम्यान त्यांनी पोलिसांनी आपल्याला मारहाण केल्याचा आरोप कोर्टात केला. मात्र फेरवैद्यकीय तपासणीनंतर हा आरोप कोर्टाने फेटाळून लावला. यानंतर अर्णब तसेच संबंधित इतर २ आरोपींना पोलीस कोठडी मिळावी यासाठी युक्तीवाद सुरु झाला. संध्याकाळी ६ वाजल्यापासून ते रात्री ११ वाजेपर्यंत हा युक्तीवाद सुरु होता.

अर्णब गोस्वामींच्या वतीने वकील गौरव पारकर, फिरोज शेख (Firoz Shaikh) यांच्यावतीने वकील निहा राऊत तर नितेश सारडा (Nitesh Sarda) यांच्यावतीने वकील सुशील पाटील यांनी कोर्टात बाजू मांडली. तर सरकारी अभियोक्ता म्हणून वकील रुपेश महाकाळ यांनी संपूर्ण काम पाहिले. या प्रकरणात पोलिसांनी यापूर्वी कोर्टात तपासात काही निष्पन्न झाले नाही असा अहवाल दिला आहे. नेमका तोच कोर्टाने ग्राह्य धरला. विशेष म्हणजे हा अहवाल मागे घेऊन फेरतपास करण्यासाठी पोलिसांनी अर्ज केला असला तरी कोर्टाने त्यास कोणतीही परवानगी अजून तरी दिलेली नाही, त्यामुळे ही अटकच बेकायदेशीर असल्याचा दावा यावेळी आरोपींच्या वतीने कोर्टात उपस्थित करण्यात आला. कोर्टाने हा युक्तीवाद ग्राह्य धरला.

मात्र या संपूर्ण प्रकरणाच्या फेरतपासात काही नवीन मुद्दे समोर आले आहेत. त्यांचा तपास करणं महत्वाचं आहे. मागील तपासात काही त्रुटी राहून गेल्या आहेत. त्यासाठी साक्षीदारांना तपासण्यासाठी आरोपींची गरज आहे. या प्रकरणातील कागदपत्रं ताब्यात घेऊन सखोल तपासायची आहेत आणि त्यामुळे आरोपी पोलिसांच्या ताब्यात असणे आवश्यक आहे अशी मागणी सरकारी वकिलांच्या वतीने करण्यात आली. परंतु आरोपींच्या वकीलांनी हा युक्तीवाद खोडून काढला. अखेर कोर्टाने तिघांनाही पोलीस कोठडी देण्याची विनंती फेटाळून लावली आणि १४ दिवसांची न्यायालयीन कोठडी सुनावली.

News English Summary: The BJP has strongly condemned the arrest of Arnab Goswami (Republic TV Editor in Chief Arnab Goswami). Also, through social media, we have seen strong criticism of the Thackeray government. Meanwhile, Arnab was produced before the Chief Justice’s Court at Alibaug Court on Wednesday. Meanwhile, he accused the police of beating him. However, after a re-medical examination, the court dismissed the allegation. After this, an argument started for Arnab and 2 other accused to get police custody. The argument started from 6 pm to 11 pm.

News English Title: Republic TV Editor in Chief Arnab Goswami presented in Alibaug court News updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.