ED राजकारण | भाजपाला हा धंदा खूप महागात जाईल | वड्डेटीवार यांचा इशारा

नगर, २६ डिसेंबर: भारतीय जनता पक्षाला राज्यातील बहुजनांचे राजकारण संपवायचे आहे. आज ज्येष्ठ नेते आणि माजी मंत्री एकनाथ खडसे यांना इडीची नोटीस आली, उद्या मला देखील येऊ शकते. बदल्याच्या राजकारणाचा पायंडा भारतीय जनता पक्षाने पाडला आहे. परंतु , त्यांनी एक कायम लक्षात ठेवावे की कोणीही सत्तेचा मुकुट घेऊन आलेला नाही. जे पेराल ते उगवेल आणि त्याचे वाईट परिणाम भोगावे देखील लागतील,’ असा इशारा ओबीसी समाजाचे नेते, राज्याचे मदत व पुनर्वसन विभागाचे मंत्री विजय वडेट्टीवर यांनी भारतीय जनता पक्षाला दिला.

मागील महिन्यात शिवसेनेचे आमदार प्रताप सरनाईक यांना ईडीने नोटीस पाठविली होती. यानंतर त्यांच्या घरीदेखील छापे मारले होते. यामुळे आधीच केंद्र विरोधात राज्य सरकार असा कलगीतुरा रंगलेला असताना शुक्रवारी रात्री माजी मंत्री एकनाथ खडसे यांना ईडीने नोटीस पाठविल्याच्या वृत्ताने खळबळ उडाली होती. यानंतर आता पुन्हा भारतीय जनता पक्ष विरोधात काँग्रेस, राष्ट्रवादी असा वाद रंगला आहे.

एकनाथ खडसे यांनी अद्याप नोटीस मिळाली नाही, नोटीस मिळाल्यावर बोलेन, अशी प्रतिक्रिया दिली होती. त्यावर राष्ट्रवादीचे नेते, आमदार अमोल मिटकरी यांनी इशारा देताना भारतीय जनता पक्षाने ईडी काढली आता आम्ही सीडी काढू, असा इशारा दिला होता. त्यानंतर काँग्रेसचे मंत्री विजय वडेट्टीवार यांनी मोठी भीती व्यक्त करून दाखवली आणि भाजपाला इशारा देखील दिला. भारतीय जनता पक्षाला हा धंदा खूप महागात जाईल असा इशाराही वड्डेटीवार यांनी दिला आहे.

News English Summary: The Bharatiya Janata Party wants to end the politics of the Bahujans in the state. Today, senior leader and former minister Eknath Khadse received an ED notice, I may also come tomorrow. The Bharatiya Janata Party has laid the groundwork for the politics of revenge. But, they should always remember that no one has brought the crown of power. Whatever grows, it will have bad consequences, ‘warned vijay wadettiwar, an OBC leader and state aid and rehabilitation minister.

News English Title: Minister Vijay Wadettiwar warned BJP over misuse of ED news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.