फक्त शेतकरी विरोधातल्या बातम्या दाखवून गोदी मीडिया सत्य का लपवत आहे..? - भाई जगताप

मुंबई, २७ जानेवारी: मागील दोन महिन्यांपासून दिल्लीच्या वेशीवर आंदोलन करणाऱ्या शेतकऱ्यांनी प्रजासत्ताक दिनी काढलेल्या ट्रॅक्टर मोर्चाला हिंसक वळण लागलं. आंदोलकांनी बॅरिकेड्स पाडून लाल किल्ल्यात प्रवेश केला. यावेळी अनेक भागांत आंदोलक आणि पोलीस आमनेसामने आले. लाल किल्ल्यात घुसलेल्या आंदोलकांनी शीखांचा धर्मध्वज फडकावल्यानं वादंग माजला आहे. लाल किल्ल्यात शिरलेल्या आंदोलकांची ओळख पटवण्याचं काम सध्या पोलिसांकडून सुरू आहे.

दरम्यान, दीप सिद्धू याने शेतकऱ्यांना भडकावल्याचा आरोप भारतीय किसान युनियनचे हरयाणातील प्रमुख गुरनाम सिंह चाडूनी यांनी केला आहे. तर, शेतकरी नेते राकेश टिकैत यांनी देखील दीप सिद्धू हा भारतीय जनता पक्षाचा कार्यकर्ता असून, त्याचे पंतप्रधानांबरोबर फोटो असल्याचेही म्हटले आहे.

दरम्यान, काल पासून शेतकरी विरोधी वृत्त मोठ्या प्रमाणावर पसरत असल्याचं देखील पाहायला मिळत आहे. एकूण शेतकऱ्यांची प्रतिमा मालिन करण्याचं मोठं षडयंत्र असल्याचा आरोप समाज माध्यमांवरून देखील सात्यत्याने केला जातं आहे. त्याच विषयाला अनुसरून मुंबई काँग्रेसचे अध्यक्ष भाई जगताप यांनी ट्विट करताना म्हटलं आहे की, “फक्त आणि फक्त शेतकरी विरोधातल्या बातम्या दाखवून गोदी मीडिया सत्य का लपवत आहे..???

फक्त आणि फक्त शेतकरी विरोधातल्या बातम्या दाखवून गोदी मीडिया सत्य का लपवत आहे..???

— Bhai Jagtap – भाई जगताप (@BhaiJagtap1) January 27, 2021

News English Summary: Anti-farmer news has been spreading on a large scale since yesterday. It is also being accused on social media that it is a big conspiracy to tarnish the image of the farmers. Following the same topic, Mumbai Congress President Bhai Jagtap tweeted, “Why is the dock media hiding the truth by showing only anti-farmer news ..?

News English Title: Mumbai congress president Bhai Jagtap criticised media over stand against farmers news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.