कोरोनाने उत्तर भारत हादरला | उत्तर प्रदेशातील स्थिती चिंताजनक

नवी दिल्ली, १७ एप्रिल: सध्या देशात कोरोना रुग्णांची संख्ये मोठ्या प्रमाणावर वाढत आहे. याच पार्श्वभूमीवर निवडणूक आयोगाने शुक्रवारी सर्वपक्षीय बैठक बोलावली होती. यात आयोगाने पश्चिम बंगालमध्ये होत असलेल्या विधानसभा निवडणुकीच्या प्रचारावर लगाम कसली आहे.

सरकार आणि निवडणूक आयोगाने पश्चिम बंगाल, तमिळनाडू, केरळ, असाम आणि पुडुचेरीमधील नागरिकांचा जीव धोक्यात घातला आहे. मागील दिड महिन्यांपासून सुरू असलेल्या निवडणुकीमुळे राज्यात कोरोना धोका खूप वाढला आहे. हे आम्ही नाही, तर आकडे सांगत आहेत. आम्ही 1 ते 14 एप्रिलपर्यंची आकडेवारी पाहिली. यानुसार, पश्चिम बंगालमध्ये 420%, असाम 532%, तमिळनाडू 159%, केरळ 103% आणि पुड्‌डुचेरीमध्ये 165% कोरोना रुग्णांची वाढ आणि मृत्यूमध्येही 45% वाढ झाली आहे. दुसरीकडे कुंभ मेळ्याचा देखील मोठा परिणाम दिसू लागला आहे.

उत्तर भारतातील अनेक राज्यांत कोरोना रुग्णांची संख्या झपाट्याने वाढत असून, त्यामुळे केंद्र सरकारही हादरून गेले आहे. उत्तर प्रदेश , उत्तराखंड, बिहार, मध्य प्रदेश, पंजाब, छत्तीसगड येथील स्थिती बिघडत चालली आहे. कुंभमेळ्यानंतर किमान ५० साधूसंतांना कोरोना झाला आहे. लागण झालेल्या बाधितांची संख्या चार हजारांहून अधिक आहे. राज्यात कुंभमेळ्यामुळेच ही स्थिती उद्भवली, असे अधिकाऱ्यांनी सांगितले. उत्तर प्रदेश सरकारने अलाहाबाद, वाराणसीसह अनेक शहरांत रात्रीचा कर्फ्यू लागू केला आहे. तसेच सोमवारी सकाळपर्यंतही संचारबंदी लावण्यात येणार आहे. मास्क न लावणाऱ्याकडून एक हजार रुपये दंड आकारला जाईल. तसेच दुसऱ्यांदा तीच व्यक्ती मास्कविना आढळल्यास १० हजार दंड केला जाईल. केंद्र सरकारने उत्तर प्रदेशातील स्थिती चिंताजनक असल्याचे म्हटले आहे. तेथे केंद्रीय पथक जात आहे. राज्याचे मुख्यमंत्री योगी आदित्यनाथ यांनाही कोरोनाची लागण झाली आहे.

News English Summary: The number of corona patients is increasing rapidly in many states in northern India, which has also shaken the central government. The situation is deteriorating in Uttar Pradesh, Uttarakhand, Bihar, Madhya Pradesh, Punjab and Chhattisgarh. After Kumbh Mela, at least 50 saints have been corona. The number of infected people is more than four thousand.

News English Title: Corona crisis in North India increasing rapidly news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.